32:595  595  DIXIEME  SERMON  596  donc  qu'il  nous  a  creez  a  ceste  condition,  esperons  en  luy,  et  le  prions  qu'il  continue  et  parface  en  nous  ce  qu'il  a  commence.  Mais  encores,  nous  devons  avoir  tant  meilleur  courage  pour  luy  faire  ceste  requeste  quand  nous  pouvons  luy  amener  en  second  lieu,  qu'outre  ce  qu'il  nous  a  creez  hommes,  il  nous  a  choisis  pour  estre  ses  enfans,  qu'il  nous  a  fait  participans  de  ceste  sagesse  divine,  laquelle  est  contenue  en  l'Evangile,  qu'il  s'est  manifeste  a  nous  pour  Pere,  qu'il  nous  a  appelez  a  la  compagnie  de  son  Fils,  afin  que  nous  soyons  membres  de  son  corps.  Quand  donc  nous  pouvons  mettre  en  avant  cela  a  Dieu,  voyla  une  plus  grande  approbation  de  nostre  foy:  et  le  devons  requerir  en  tant  plus  grande  certitude,  ne  doutans  point  qui'l  ne  nous  exauce.  Voyla  le  second  article.  Le  troisieme  est,  qu'encores  que  nous  ayons  este  enseignez  de  Dieu,  qu'il  ne  faut  point  que  nous  cuidions  estre  si  grands  clercs,  que  nous  ne  luy  demandions  qu'il  nous  conferme  de  plus  en  plus  en  sa  cognoissance,  et  que  nous  soyons  tousiours  comme  apprentifs  et  novices.  Comme  de  fait  ceux  qui  auront  tant  mieux  profite,  se  rengeront  tousiours  a  ceste  humilite  y  ci,  qu'ils  n'estimeront  pas  estre  parvenus  au  comble  de  science:  mais  estimeront  qu'ils  auront  tant  seulement  quelque  petit  goust  de  ceste  sagesse  de  Dieu,  et  qu'il  faut  qu'il  leur  augmente  tousiours  de  plus  en  plus.  Or  si  David  a  fait  ceste  requeste,  voire  et  Fa  faite  en  verite,  cognoissant  qu'il  a  eu  besoin  d'estre  enseigne  de  Dieu:  ie  vous  prie,  quelle  outrecuidance  serace  a.  nous,  quand  nous  presumerons  avoir  desia  nostre  cerveau  si  remply,  qu'il  n'y  salle  plus  rien  adiouster?  que  nous  soyons  contens  de  ce  que  nous  aurons  apprins?  ne  faut-il  pas  dire  que  nous  soyons  plus  qu'outrecuidez  ?  Et  ainsi  a  l'exemple  de  David,  tout  le  temps  de  nostre  vie  demandons  a  Dieu  qu'il  nous  enseigne,  et  que  nous  ne  soyons  iamais  lassoz  d'apprendre  de  luy,  iusqu'a  ce  qu'il  nous  ait  despouillez  de  ce  corps  mortel:  car  tant  que  nous  y  habiterons,  il  faut  que  nous  soyons  environnez  de  beaucoup  de  grosses  nuees  et  espesses  d'ignorance,  desquelles  il  nous  delivrera  alors  par  la  clarte  de  son  advenement.  Or  il  s'ensuit  puis  apres:  Ceux  qui  te  craignent,  me  verront,  et  s'esiouiront:  car  ie  m?atten  a  ta  parole.  David  amene  yci  encores  une  autre  raison  pour  obtenir  sa  requeste:  c'est  ascavoir,  que  les  fideles  s'esiouiront,  voyans  qu'il  a  este  exauce  de  Dieu.  Et  c'est  un  passage  qui  est  bien  digne  d'estre  note:  car  nous  sommes  advertis  par  ces  mots,  que  quand  Dieu  fait  du  bien  a  quelcun  de  nos  freres  et  de  nos  prochains,  que  non  seulement  nous  devons  cognoistre  sa  bonte  en  cest  acte-la  simplement,  mais  appliquer  le  tout  a  nostre  usage,  que  cela  nous  serve  d'autant  de  confirmation:  que  nous  scachions  que  nous  ne  serons  point  non  plus  refusez,  que