5:594  traire.  Car  noz  Eglises  ont  eu  bonnes  et  iustes  causes  de  changer  aucunes  traditions  humaines,  ausquelles  estoyent  survenues  quelques  superstitions.  Car  il  fault  que  ceste  doctrine  de  Christ  soit  congneue:  C'est  en  vain  qu'on  me  honnore  par  commandemens  humains.  D'avantage  la  chose  monstre,  lesquelz  ce  sont,  qui  rompent  le  lyen  de  charite.  Les  Papes  et  aucuns  Evesques  meurtrissent  les  nostres  et  enflambent  les  coeurs  des  Princes  alencontre  de  nous.  Cependant,  ilz  se  vantent  de  garder  le  lyen  de  charite,  et  que  nous  le  rompons:  pource  que  nous  negligeons  quelques  traditions  iniustes.  Combien  que  l'office  de  charite  est  user  d'equite  a  moderer  les  traditions.  Au  tiltre  de  penitence  apres  la  cheute,  le  reste  nous  plaist  bien,  mais  pource  que  les  nostres  ont  puis  apres  presente  des  articles  de  confession  et  satisfaction,  il  ne  nous  a  pas  este  loisible  de  nous  taire,  en  cest  endroict,  de  ce  qui  est  touche  la  de  ceste  matiere,  de  peur  qu'il  ne  semblast  advis,  que  nous  le  vouisissions  recevoir.  Mortification,  en  Pescripture,  signifie  l'oeuvre  du  S.  Esprit,  au  milieu  des  grandes  tribulations:  desquelles  nous  voions  l'Eglise  estre  asprement  agitee  en  dangiers  assiduelz.  Mais  le  recit  des  pechez,  et  la  satisfaction  sont  formes  de  faire  inventees  des  hommes:  auxquelles  beaucoup  d'abuz  sont  survenus.  En  ce  mesme  lieu  S.  Paul  est  allegue,  pour  louer  les  satisfactions  :  comme  ainsi  soit  qu'il  parle  la  de  la  peine  ordinaire  constituee  en  l'Evangile,  a  scavoir  de  l'excommunication.  Ce  dire  n'appartient  rien  a  ces  satisfactions  nouvelles.  Au  tiltre  des  Sacremens,  le  Livre  dict  bien,  en  disant  que  la  grace  n'est  pas  seulement  signifiee  par  les  Sacremens;  mais  aussi  que  ceux  qui  en  usent  sont  sanctifiez.  Toutesfoys  nous  desirons,  qu'on  adiouste,  que  ceux  qui  sont  en  eage  de  discretion  doivent  [fol.  100]  venir  aux  Sacremens,  avecques  foy,  pour  recevoir  les  promesses,  a  cause  desquelles  les  Sacremens  sont  instituez.  Item:  Que  iceux  ne  profitent  de  rien  a  ceux  qui  sont  en  eage,  sinon  qu'ilz  ayent  bon  coeur  et  droict.  Quant  a  l'ordination  nous  approuvons  tresbien  l'ancienne  coustume  de  l'Eglise,  c'est  que  ceux  qu'on  doit  promouvoir  soyent  examinez  et  instruictz,  et  qu'on  ne  les  admette  point  au  ministere  sans  le  tesmoignaige  de  gens  doctes,  lesquelz  soyent  au  gouvernement  de  l'Eglise.  Et  seroit  a  desirer,  que  les  Evesques  apres  la  reformation,  prinssent  sus  eux  ceste  charge:  laquelle  comme  elle  est  tresdifficile,  aussi  est  elle  necessaire  a  l'Eglise.  De  faict  nous  avons  entendu,  que  les  nostres  ont  nommement  concede  l'authorite  de  promouvoir  aux  Evesques,  si  la  reformation  procede.  Or  combien  que  les  nostres  par  quelque  espe-  38