48:594  en  haut  ha  la  domination  sur  toutes  choses,  voire  tellement  que  les  Anges  mesmes  luy  sont  suiets,  eux  et  toutes  creatures  nous  serviront  en  cela.  Au  contraire  il  tient  les  diables  enserrez,  tellement  qu'ils  ne  sont  rien  que  par  son  conge.  Nous  sommes  donc  asseurez  qu'ils  ne  peuvent  rien  contre  nous.  Pourquoy?  car  ils  ne  peuvent  rien  a  l'encontre  de  luy.  Au  reste  il  faut  conioindre  ceste  puissance  glorieuse  avec  cest  cognoissance  qu'il  est  yci  avec  nous:  non  pas  comme  il  y  a  este  pour  un  temps,  mais  que  sa  vertu  s'estend  a  nous,  comme  elle  est  espandue  par  le  ciel  et  par  la  terre.  Or  il  nous  donne  tesmoignage  qu'il  est  avec  nous  quand  nous  entendons  sa  parolle:  car  il  Pa  promis  et  il  n'est  point  comme  l'homme  pour  user  de  mensonge.  Voyla  comme  nous  avons  certitude  de  sa  presence,  et  que  par  sont  sainct  Esprit  il  nous  maintiendra.  Autrement  que  seroit-ce?  il  ne  faut  rien  pour  nous  faire  faillir^  car  nous  sommes  tant  fragiles  que  rien  plus:  au  contraire  nous  voyons  le  diable  qui  est  muni  et  arme  de  toutes  pieces  contre  nous.  Il  est  donc  bien  besoin  que  Dieu  nous  donne  force  par  son  sainct  Esprit  afin  que  nous  y  puissions  resister.  Voyla  comme  estans  loin  de  Iesus  Christ,  quant  a  son  corps,  nous  en  sommes  prests  quant  k  sa  vertu.  Et  c'est  ce  qu'il  nous  monstre  en  la  Cene,  et  nous  avons  a  appliquer  ceste  doctrine.  Et  pour  ce  faire  il  ne  faut  pas  que  nous  en  approchions  comme  beaucoup,  qui  y  vienent  ainsi  que  des  bestes,  mais  que  nous  sachions  ce  qui  nous  y  est  donne.  Quand  nous  voyons  que  Dieu  nous  donne  nourriture  pour  nos  corps,  voyla  desia  une  benediction:  mais  nous  ne  venons  pas  yci  manger  ne  boire  a  plene  gorge.  Pourquoy?  Pour  nous  signifier  que  nous  n'y  devons  pas  chercher  nostre  vie  corporelle.  Car,  comme  dit  S.  Paul,  nous  avons  des  maisons  pour  boire  et  pour  manger,  et  pourtant  nous  ne  venons  pas  yci  pour  nourrir  nos  corps.  Quoy  donc?  Nous  avons  tesmoignage  que  Iesus  Christ  y  veut  nourrir  nos  ames.  Et  nos  ames  seront-elles  nourries  de  pain  et  de  vin?  Nenni,  nenni.  Il  n'y  a  rien  de  quoy  elles  puissent  estre  nourries  que  de  Iesus  Christ.  Car  il  faut  qu'elles  soyent  entretenues  en  vie  immortelle  :  ce  que  les  Anges  mesmes  ne  nous  peuvent  pas  bailler.  Car  comme  ils  n'ont  pas  tousiours  este,  aussi  pourroyent-ils  prendre  fin.  Concluons  donc  qu'il  n'y  a  qu'un  seul  Pere  de  vie:  c'est  ascavoir  Iesus  Christ  Or  nous  le  venons  chercher  a  la  Cene,  et  faut  que  chacun  en  y  venant  ait  ce  but  arreste  pour  dire:  Ie  vien  yci  pour  chercher  tesmoignage  que  Iesus  Christ  est  ma  vie,  et  qu'estant  incorpore  en  luy  et  vivray  eternellement.  Mais  comment  est-ce  que  nous  viendrons  le  chercher  en  la  Cene?  Si  nous  y  venons  a  la  facon  que  les  Papistes  y  vienent  chercher  le  corps  de  Dieu,  nousnous  abusons:  car  c'est  l'idole  la  plus  execrable  qui  38