40:594  sicae,  tertio  macedonicae,  tandem  romanae  totum  orbem  obrueret.  Quid  enim  statuere  apud  se  poterant  quo  tempore  somniavit  rex  Nebuchadnezer  de  quatuor  imperiis?  Iam  regnum  Israelis  erat  prorsus  dirutum,  decem  tribus  in  exsilium  abductae,  regnum  Iehudah  etiam  quasi  in  vastitatem  redactum  erat.  Quanquam  adhuc  stabat  urbs  Hierosolyma,  tamen  quale  fuit  regnum  illud?  Nempe  plenum  ignominia  et  dedecore:  imo  tunc  precario  regnabant  posteri  Davidis  in  tribu  Iehudah  :  et  quidem  in  aliqua  duntaxat  eius  parte.  Postea  quanquam  permissa  illis  fuit  reditus  libertas,  scimus  tamen  quam  misere  afflicti  fuerint.  Et  ubi  Alexander,  tempestas  illa,  totum  Orientem  turbavit,  scimus  versatos  fuisse  in  extremo  discrimine:  deinde  fuisse  saepius  expilatos  ab  eius  successoribus:  urbem  ipsam  fuisse  fere  in  solitudinem  redactam,  templum  fuisse  profanatum.  Et  quum  esset  optima  eorum  conditio,  tamen  erant  tributarii,  ut  postea  videbimus.  Necesse  certe  fuit,  eorum  animos  fulciri  in  tanta  et  tam  confusa  perturbatione.  Haec  igitur  ratio  fuit,  cur  Deus  somnium  obtulit  regi  babylonio  de  illis  monarchiis.  Si  somniasset  Daniel,  fideles  non  habuissent  tam  praeclaram  materiam  fidei  suae  confirmandae:  sed  quum  vulgatur  per  totum  fere  Orientem  somnium  regis,  quum  etiam  celebratur  eius  interpretatio,  Iudaei  poterant  suo  tempore  colligere  animum,  et  bonam  spem  concipere,  quia  primo  tenebant  quatuor  has  monarchias  non  fore  ex  fortuitis  mutationibus.  Deus  enim  qui  praedixerat  regi  Nebuchadnezer  quid  futurum  esset,  idem  etiam  statuerat  quid  esset  facturus,  et  quid  accidere  vellet.  Quum  ergo  Iudaei  scirent  ex  coelesti  decreto  Chaldaeos  tunc  regnare,  deinde  venturum  aliud  imperium  deterius,  et  tertio  etiam  subeundam  illis  esse  servitutem  sub  Macedonibus:  postremo  Romanos  fore  victores  et  dominos  totius  orbis  (semper,  ut  dixi,  coelesti  decreto),  quum  ergo  haec  apud  se  reputarent,  deinde  audirent  redemptorem,  qui  illis  promissus  fuerat,  fore  regem  perpetuum,  et  monarchias  omnes,  etiam  si  ad  tempus  fulgerent,  tamen  non  habere  certam  stabilitatem  :  haec  fuit  illis  non  vulgaris  confirmatio.  Nunc  ergo  tenemus  quo  consilio  Deus  voluerit  ubique  tunc  promulgari  quod  adhuc  erat  absconditum:  ut  Iudaei  per  manus  traderent  filiis  suis,  et  nepotibus  quod  audierant  ex  ore  Danielis  :  deinde  etiam  ut  haec  prophetia  exstaret,  et  esset  illis  monimentum  ad  omnes  aetates.  Iam  quod  ad  verba  spectat,  dicit  imaginem  unam  grandem  et  magnam  fuisse,  splendorem  eius  fuisse  pretiosum,  et  formam  terribilem.  His  elogiis  voluit  occurrere  Deus  dubitationi  quae  poterat  Iudaeis  obrepere,  quum  viderent  ita  fulgere  imperia  illa  quisque  suo  saeculo.  Quum  ergo  Iudaei  qui  tunc  captivi  erant  viderent  Chaldaeos  formidabiles  esse  toti  mundo,  deinde  esse  in  summo  pretio,  et  propemodum  adorari  a  reliquis  38