32:594  Notons  bien  donc  cest  argument  duquel  use  yci  David,  c'est  ascavoir,  qu'il  allegue  a  Dieu,  qu'il  est  sa  creature,  afin  d'obtenir  qu'il  soit  enseigne  de  luy,  voire  pour  comprendre  quelle  est  sa  Loy.  Or  cependant  nous  avons  a  noter,  que  David  ne  se  met  pas  yci  simplement  au  rang  des  creatures:  mais  il  se  presente  a  Dieu,  comme  homme  forme  a,  son  image  et  semblance:  Tes  mains  donc  m'ont  cree  et  forme,  c'est  a  dire,  Seigneur,  tu  m'as  donne  que  ie  fusse  habitant  au  monde,  voire  et  que  ie  fusse  une  creature  raisonnable.  Puis  qu'ainsi  est  donc,  Seigneur,  que  tu  as  desia  commence  de  besongner  ainsi  humainement  envers  moy,  qu'il  te  plaise  de  continuer.  Or  maintenant  nous  voyons  de  quel  style  et  langage  nous  devons  user  pour  estre  asseurez  que  Dieu  exaucera  nos  requestes:  ascavoir,  que  nous  luy  mettions  au  devant  ses  graces,  lesquelles  nous  avons  desia  receues  de  luy.  Car  cela  nous  doit  donner  esperance,  que  tout  ainsi  qu'il  a  commence,  il  parfera,  iusqu'a  ce  qu'il  ait  amene  son  oeuvre  a,  fin.  Or  si  nous  pouvons  requerir  a  Dieu  qu'il  nous  donne  entendement  pour  comprendre  sa  Loy,  d'autant  qu'il  nous  a  creez  hommes  mortels,  nous  avons  tant  plus  d'occasion  de  ce  faire,  en  luy  alleguant  qu'il  nous  a  adoptez  pour  ses  enfans,  et  qu'il  nous  tient  comme  de  sa  maison.  Quand  nous  avons  cest  advantage-la  et  ce  privilege,  d'autant  plus  nostre  confiance  doit-elle  estre  certaine,  a  ce  que  nous  ne  doutions  point  qu'il  n'augmente  en  nous  les  graces  qu'il  y  a  desia  mises.  Et  ainsi,  pour  bien  faire  nostre  profit  de  ce  passage,  nous  avons  a  recueillir  trois  articles  en  somme:  le  premier  et  le  principal  que  nous  ayons  a  souhaiter,  c'est,  que  Dieu  nous  instruise  en  sa  Loy,  que  nous  ne  soyons  point  tant  adonnez  ny  aux  biens  de  ce  monde,  ny  aux  commoditez  du  corps,  ny  a  tout  le  reste,  que  nous  n'ayons  tousiours  regard  a  estre  enseignez  de  Dieu  pour  nostre  salut  spirituel.  Quant  au  premier,  que  ceste  affection  domine  en  nous,  afin  de  renger  toutes  les  autres  qui  nous  transportent:  c'est,  que  nous  desirions  d'estre  vrais  escholiers  de  Dieu.  Voyla  un  Item.  Or  il  y  a  puis  apres  le  moyen  de  luy  demander  qu'il  nous  face  la  grace  que  nous  soyons  enseignez  en  sa  Loy:  c'est  ascavoir,  d'autant  qu'il  nous  a  creez  a  ceste  fin-la,  qu'il  ne  nous  a  point  fait  semblables  aux  boeufs,  aux  asnes,  Dy  aux  chiens,  qui  sont  bestes  brutes,  n'ayans  que  corruption:  mais  qu'il  a  imprime  en  nous  son  image,  et  nous  a  orordonnez  a  la  vie  immortelle.  Puis  que  ainsi  est  38