6:593  EXCUSE  DE  IEHAN  CALVIN  A  MESSIEURS  LES  NICODEMITES,  SUR  LA  COMPLAINCTE  QU'ILZ  FONT  DE  SA  TROP  GRAND'  RIGUEUR.  [fol.  2]  Quand  on  allegue  ces  proverbes  de  Salomon,  que  la  correction  ouverte  est  meilleure  que  l'amour  cachee,  et  quo  le  chastiment  d'un  amy  est  bon  et  fidele:  il  n'y  a  nul  qui  ne  s'y  accorde.  Mais  quand  ce  vient  a,  les  practiquer,  il  n'y  a  nul  qui  y  vueille  mordre.  1)  Ie  dy  cecy  pource  que  i'ay  escrit  un  traicte  ou  ie  remonstre,  qu'un  homme  fidele  conversant  entre  les  papistes,  ne  peut  communiquer  a  leurs  superstitions,  sans  offenser  Dieu.  Ceste  doctrine  est  claire.  Ie  l'ay  prouvee  par  tesmoignages  de  l'Escriture  et  raisons  si  certaines,  qu'il  n'est  pas  possible  d'y  contredire.  Qui  plus  est,  il  y  a  une  raison  peremptoire,2)  laquelle  conclud  en  un  mot.  Car  puis  que  Dieu  a  cree  noz  corps  comme  noz  ames,  et  qu'il  les  nourrist  et  entretient,3)  c'est  bien  raison,  qu'il  en  soit  servy  et  honore.  D'autrepart  nous  savons4)  que  le  Seigneur  'nous  fait  cest  honneur^  d'apelier  non  seulement  noz  ames,  ses  temples,  mais  aussi  noz  corps.  Or  ie  demande  s'il  est  licite  de  profaner  le  temple  de  Dieu?  et  s'il  ne  faut  pas  qu'il  soit  desdie  a,  son  honneur  du  tout,  et  par  consequent  entretenu  en  purete  entiere,  sans  aucune  pollution?  Davantage,  puis  que  le  corps  d'un  homme  fidele  est  destine  a  la  gloire  de  Dieu,  et  doit  estre  participant  une  fois  de  l'immortalite  de  son  royaume,  et  estre  faict  conforme  a.  celuy  de  nostre  Seigneur  Iesus:  c'est  une  chose  trop  absurde,  qu'il  soit  [fol.  3]  abandonne  a,  aucune  pollution,  comme  de  le  prostituer  devant  une  idole.  Brief,  ou  nous  sommes  du  tout  a  Dieu,  ou  seulement  en  partie.  Si  nous  sommes  siens  du  tout,  glorifions  le  tant  de  corps  que  d'esprit.  Quand  donc  ie  requiers  1)  qui  se  intellexisse  ostendat  2)  una  est  ratio.  3)  quum  ea  nutriat  in  hoc  mundo.  4)  audimus.  Calvini  opera.  Vol  VL