5:593  ACTES  DE  RATISBONNE.  sainct  Paul  dict  au  contraire,  que  tous  ceux  qui  sont  d'Israel,  ne  sont  pas  Israel.  Pourtant  il  seroit  aussi  meilleur  au  tiltre  de  l'Eglise,  la  ou  elle  est  deffinie  estre  assemblee  des  bons  et  des  mauvais,  qu'on  mist  ainsi  :  l'Eglise  visible  est  assemblee  et  cetera.  Touchant  que  ce  mesme  article  condamne  ceulx  qui  se  despartent  de  l'Eglise,  [fol.  98]  il  parle  de  ceulx  qui  se  separent  des  bons  et  fideles  docteurs.  Nous  confessons  aussi  qu'il  ne  se  fault  point  separer  de  eulx,  mais  ii  fault  adiouster  au  contraire,  que  iustement  on  se  retire  de  ceulx  qui  maintiennent  faulse  doctrine  et  meurtrissent  les  innocens  pour  la  confession  de  verite,  desquelz  8.  Paul  dict:  Si  quelqu'un  annonce  aultre  Evangile,  qu'il  soit  en  malediction.  Ce  que  monstre  l'exemple  qui  est  allegue  au  Livre.  Car  Helie  certes  et  ses  auditeurs  estoyent  separez  de  la  religion  de  Baal,  comme  dict  le  texte.  Ilz  s'estoient  doncques  despartis  de  la  compagnie  des  prestres  d'Achab.  Nous  pensons  que  nul  homme  docte  ne  nous  nyera  cela,  et  nous  sommes  contrainctz  de  le  dire  expressement  affin  que  quand  on  obiecte  a  noz  Eglises,  qu'elles  sont  scismatiques,  il  ne  semble  pas  advis  que  nous  les  confessions  telles,  comme  ainsi  soit  qu'elles  soient  membres  de  l'Eglise  de  Christ,  entant  que  la  pure  doctrine  de  l'Evangile  y  reluyt,  par  laquelle  le  S.  Esprit  besongne  en  efficace:  entant  aussi  que  Dieu  le  Pere  de  nostre  Seigneur  Iesus  Christ  y  est  invoque  en  vraye  foy.  Nous  n'avons  pas  les  coeurs  tant  de  pierre,  ne  de  fer,  que  quand  on  nous  reprouche,  que  nous  sommes  en  scismes,  une  telle  et  si  griefve  iniure  ne  nous  touche:  que  nous  soions  aussi  esmeuz  de  la  dissipation  qui  est  auiourdhuy,  et  en  pensant  a  tant  de  maulx  qui  ont  accoustume  de  s'ensuyvre  des  discordes.  Et  de  faict,  nous  desirerions  de  raehepter  par  nostre  mort  une  vraye  concorde  et  saincte.  Pour  ceste  cause  nous  nous  sommes  tant  de  fois  offert  a  iugemens  equitables  et  bon  appointement.  Mais  noz  Eglises  ont  este  reiettees  et  divisees  des  aultres,  premierement,  par  la  condemnation  iniuste  du  Pape,  puis  apres  par  la  cmaulte  des  Evesques.  Combien  y  en  a  il  eu  des  nostres  qui  ont  este  meurtris  pour  ceste  doctrine?  De  la  on  peult  iuger  dont  est  venue  la  separation,  et  qui  en  est  en  coulpe.  Le  Livre  condamne  aussi  ceux  qui  rompent  le  lyen  de  charite.  Ce  que  nous  entendons  de  l'obeissance  envers  le  ministere  de  la  doctrine,  de  la  pure  doctrine  [fol.  99]  de  l'Evangile,  administration  des  Sacremens  et  iurisdiction  commandee  en  l'Evangile.  Nous  enseignons  aussi  de  nostre  part,  qu'on  doit  rendre  obeissance  au  vray  ministere.  Mais  il  semble  que  le  Livre  en  apres  au*  tiltre  de  l'ordre  Hierarchique,  interprete  cela  des  traditions  humaines,  la  ou  les  nostres  ont  mis  un  article  au  con-  Caivini  opera.  Vol  V.