49:593  593  SUR  L'EPITRE  AUX  CORINTHIENS.  594  constance  ferme  iusques  en  la  fin:  et  que  nous  continuyons  a  tellement  le  chercher,  que  nous  ne  defaillions  point:  mais  que  nous  poursuyvions  en  sa  saincte  vocation,  iusques  a  ce  que  nous  soyons  parvenus  a  son  heritage  immortel,  et  qu'il  nous  conioigne  a  luy  en  toute  perfection,  estant  transfigurez  en  sa  gloire.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  qu'il  luy  plaise  nous  les  faire  sentir  de  plus  en  plus,  voire  et  qu'il  nous  en  despouille,  et  que  nous  soyons  touchez  d'une  telle  repentance  que  nous  puissions  demander  sans  feintise  qu'il  nous  augmente  les  graces  de  son  sainct  Esprit,  et  qu'il  nous  donne  la  vertu  de  renoncer  tellement  a  nous,  que  nous  monstrions  par  effect  que  nous  sommes  son  peuple  acquis  et  rachete  cherement,  et  que  ceste  redemption-la  n'est  pas  inutile  et  sans  fruit.  Et  que  cependant  il  ait  pitie  de  nous  iusques  a  ce  qu'il  ait  tellement  aboli  toutes  les  infirmitez  et  vices,  qui  auiourd'huy  resident  en  nostre  nature,  qu'il  n'y  ait  rien  qui  nous  empesche  de  nous  confermer  a  nostre  Seigneur  Iesus,  comme  il  a  este  ordonne  Chef  de  toute  son  Eglise.  Et  ainsi  nous  dirons  tous  :  Dieu  tout  puissant,  Pere  celeste  etc.  DEUXIEME  SERMON-  1.  COR.  Chap.  X  v.  3.6.  Puisque  sainct  Paul  declare  que  le  rocher  dont  Dieu  feit  sortir  Peau,  estoit  Iesus  Christ:  et  que  non  saus  cause  il  l'appelle  Spirituels  nous  devons  bien  estre  tout  asseurez,  que  ce  n'a  pas  este  une  figure  vaine:  car  quand  Dieu  nous  donne  quelque  tesmoignage  en  signe  visible,  ce  n'est  pas  pour  nous  amuser  comme  des  petis  enfans:  mais  la  verite  est  coniointe  avec  le  signe.  Quand  nous  verrons  quelque  peinture,  il  est  vray  qu'il  y  aura  la  remembrance  d'un  homme,  ou  on  nous  dira,  Voyla  pour  figurer  telle  chose.  Nous  verrons  un  oiseau,  nous  verrons  un  boeuf:  mais  c'est  en  peinture,  ces  choses  la  sont  mortes.  Or  il  n'est  pas  ainsi  des  signes  que  Dieu  a  instituez  en  son  Eglise  de  tout  temps:  comme  aussi  des  Sacremens  que  nostre  Seigneur  Iesus  Christ  nous  a  laissez:  car  comme  desia  nous  avons  dit,  ce  ne  sont  pas  figures  simplement:  mais  ce  qui  nous  est  la  monstre,  Dieu  aussi  l'accomplit  par  la  vertu  secrete  et  admirable  de  son  sainct  Esprit.  L'eau  nous  monstre  que  nous  sommes  lavez:  mais  cela  ne  se  fait  pas  en  peinture:  car  le  sang  de  nostre  Seigneur  Iesus  Christ  vrayement  est  nostre  purgation  pour  nettoyer  toutes  nos  macules  et  pollutions  devant  Dieu,  afin  qu'elles  ne  vienent  point  en  conte,  mais  soyent  du  tout  ensevelies,  voire  abolies.  Autant  en  est-il  de  la  saincte  Cene,  comme  il  sera  declare  plus  au  long  en  son  lieu.  I'en  touche  ici  en  brief  selon  que  le  passage  le  demande.  Nous  avons  le  pain  et  le  vin,  qui  nous  monstrent  que  nostre  Seigneur  Iesus  Christ  est  la  viande  et  le  breuvage  de  nos  ames.  Or  s'il  ny  avait  que  la  figure,  cela  seroit  bien  froid  et  maigre  :  mais  quand  Dieu  nous  donne  le  signe,  il  coinioint  quant  et  quant