48:593  593  DE  L'ASCENSION.  594  femme  et  sur  sa  famille,  et  quelle  obeissance  la  femme  doit  a  son  mari,  et  les  enfans  a  leurs  parens.  Ainsi  ii  a  ordonne  Loy  a  un  chacun.  Autant  en  est-il  quand  il  a  ordonne  la  police.  Il  monstre  aux  Magistrats  quel  est  leur  office,  et  comme  ils  doyvent  user  de  l'authorite  qu'il  leur  baille.  Aux  Ministres  de  sa  parolle  semblablement,  il  leur  a  baille  leur  lecon  par  escrit.  Voyla  comment  Iesus  Christ  nous  a  si  bien  reglez,  que  si  nous  regardons  a  luy  nous  n'attenterons  rien  outre  ce  qu'il  nous  commande.  Nous  voyons  que  S.  Paul  dit  que  tout  ce  qui  est  fait  sans  foy  est  peche.  Or  si  Dieu  nous  avoit  laissez  en  doute  de  ce  que  nous  avons  a  faire,  nous  ne  pourrions  que  tousiours  pecher:  et  pourtant  il  nous  a  baille  nostre  regle  de  ce  que  nous  avons  a,  faire,  et  de  ce  que  nous  avons  a  laisser.  Regardons  donc  a  nous  regler  par  luy,  sans  rien  attenter  de  nostre  folle  teste.  Au  reste,  nous  voyons  que  les  Apostres  se  sont  arrestez  en  Ierusalem  d'autant  que  Iesus  Christ  leur  avoit  ainsi  dit:  voire  combien  qu'ils  scachent  que  Dieu  les  avoit  ordonnez  en  ceste  vocation.  Et  mesme  combien  que  Iesus  Christ  leur  eust  donne  le  sainct  Esprit  en  soufflant  sur  eux,  toutesfois  ils  cognoissent  qu'ils  ne  sont  point  encores  munis  comme  il  appartient,  mais  ils  attendent  la  promesse  du  Pere.  Ceste  promesse  la,  (comme  nous  verrons  ci  apres)  c'estoit  le  S.  Esprit.  Pourquoy  l'ont-ils  attendu?  C'est  pour  nous.  Nous  voyons  donc  yci  que  Iesus  Christ  estant  monte  au  ciel  a  toutesfois  soin  de  nous,  et  que  de  la  il  nous  assiste,  et  n'est  pas  tellement  eslongne  de  nous,  qu'il  ne  nous  tiene  compagnie  par  sa  grace  pour  nous  gouverner.  Voyla  pourquoy  S.  Luc  dit  qu'il  fut  receu  en  haut  apres  que  par  le  S.  Esprit  il  eut  donne  commandement  aux  Apostres  qu'il  avoit  eleus.  Ce  n'a  donc  pas  este  qu'il  s'en  soit  alle  sans  penser  de  nous.  Quoy  donc?  il  a  donne  charge  a  ses  Apostres,  et  leur  a  monstre  comment  ils  se  gouverneroyent  apres  avoir  receu  le  S.  Esprit.  Et  maintenant  nous  avons  yci  un  gage  que  iamais  nous  ne  serons  destituez  de  son  assistance,  moyennant  que  nous  adherions  a  luy.  Au  reste,  c'est  une  grande  consolation  pour  nous  que  Iesus  Christ,  estant  monte  au  ciel,  ha  toute  authorite  en  sa  main,  et  est  par  dessus  toutes  creatures,  estant  establi  lieutenant  de  Dieu  afin  de  gouverner  tout  et  haut,  et  bas.  Or  pour  bien  faire  nostre  profit  de  cela,  notons  que  Iesus  Christ,  estant  tellement  exalte  de  Dieu  que  toutes  creatures  luy  sont  mises  en  suietion,  cependant  est  nostre  Chef,  et  que  ceste  grande  domination  et  empire  qu'il  ha  vient  a  nostre  profit,  voire  si  nous  sommes  ses  membres.  Mais  il  ne  peut  estre  nostre  Chef  sinon  que  nous  ayons  vraye  union  avec  luy.  Voyla  donc  en  quoy  gist  toute  l'asseurance  de  nostre  salut:  c'est  que  d'autant  que  Iesus  Christ  estant  monte  Calvini  opera.  Vol  XLVIII.