32:593  593  SUR  LE  PSEAUME  CXIX.  594  D  I  X  I  E  M  E  SERMON.  Du  Dimanche  26.  iour  de  Mars,  1553.  Dixieme  huictain.  IOD.  Tes  mains  m'ont  fait  et  forme,  donne-moy  donc  entendements  afin  que  ^apprenne  tes  commandemens.  M  quand  ceux  qui  te  craignent  me  verront,  ils  seront  ioyeux,  pourtant  que  ie  m1  atten  a  ta  parole.  Ie  cognoy,  Seigneur,  que  tes  iugemens  sont  iustes,  et  que  tu  m'as  humilie  en  verite.  Ie  te  prie  que  ta  benignite  me  console  selon  ta  promesse  faite  a  ton  serviteur.  Que  ta  compassion  vienne  sur  moy,  et  ie  vivray:  car  ta  Loy  est  ma  delectation.  Que  les  orgueilleux  soyent  confus:  car  ils  m'ont  perverty  faussement:  mais  moyf  ie  mediteray  en  tes  commandemens.  Ceux  qui  te  craignent,  reviennent  a  moy,  et  ceux  qui  cognoissent  tes  tesmoignages.  Mon  coeur  soit  entier  en  tes  ordonnances,  afin  que  ie  ne  eoye  confus.  Nous  avons  a  tenir  ceste  regle  en  priant  Dieu,  de  ne  point  mesurer  son  affection  ne  son  amour  selon  nos  pensees:  mais  le  cognoistre  tel  qu'il  est,  et  tel  qu'il  se  declare  a,  nous.  Et  voyla  pourquoy  il  dit  par  son  Prophete  Isaie,  apres  avoir  declare  qu'il  aura  pitie  de  son  Eglise  pour  la  sauver,  N'estimez  point  que  ie  soye  semblable  a  vous:  car  il  y  a  aussi  longue  distance  entre  mes  pensees  et  les  vostres,  comme  il  y  a  du  ciel  a  la  terre.  Ne  mesurons  point  donc  la  bonte  de  Dieu  a  nostre  imagination:  mais  (comme  i'ay  desia  dit)  scachons  que  ce  n'est  point  en  vain  qu'il  nous  declare  et  nous  testifie  que  sa  bonte  et  l'amour  qu'il  nous  porte,  sont  choses  infinies,  que  nous  contemplons  par  foy  tant  seulement.  Et  c'est  afin  que  nous  venions  a,  luy  en  plus  grande  hardiesse  pour  l'invoquer,  ne  doutans  point  que  nous  n'obtenions  ce  que  nous  luy  demanderons,  voire  entant  qu'il  sera  expedient  pour  nostre  salut.  Suyvant  cela,  David  met  yci  en  avant,  qu'il  a  este  cree  de  Dieu.  Comme  s'il  disoit,  Seigneur,  ie  ne  vien  point  a  toy,  comme  nous  avons  accoustume  de  venir  aux  hommes.  Ie  n'allegue  aucun  merite  par  lequel  ie  t'aye  oblige  a  moy:  car  tu  ne  m'es  en  rien  redevable:  mais  i'allegue  tes  benefices  que  i'ay  desia  senty,  afin  que  tu  continues.  Car  voyla  la  vraye  nature  de  Dieu,  ascavoir,  de  desployer  tousiours  ses  graces  sur  nous  sans  iamais  se  lasser:  comme  il  est  une  fontaine  qui  iamais  ne  tairit:  et  ne  faut  point  craindre  qu'il  diminue,  ne  qu'il  nous  soit  chiche  de  ses  biens,  car  il  eo  a  assez  pour  continuer  sans  fin  et  sans  cesse.  Calvini  opera.  Vol.  XXXII.