9:592  dra  donc  ce  que  dit  sainct  Paul  :  Glorifiez  et  portez  Dieu  [page  14]  tant  en  vostre  corps  qu'en  vostre  ame:  car  l'un  et  l'autre  sont  siens  (1  Cor.  6,  20)?  Item,  Ayant  les  promesses  qui  nous  sont  donnees,  purgeons-nous  de  toute  souillure  tant  de  chair  que  d'esprit  (2.  Cor.  7,  1).  Il  traite  la  expressement  du  service  exterieur  de  Dieu,  et  monstre  que  nous  y  sommes  obligez:  que  faut-il  plus  disputer  d'une  chose  tant  liquide?  Mesme  quand  nostre  Seigneur  Iesus  repousse  la  tentation  de  Satan,  il  allegue  qu'il  est  defendu  de  s'encliner  devant  autre  que  devant  Dieu  (Matth.  4,  10).  Ne  voila  pas  le  service  exterieur  de  Dieu  derechef  establi?  Or  ce  brouillon  ayant  ainsi  renverse  les  principes  de  nostre  foy,  extravague,  cuidant  gagner  sa  cause  en  destournant  les  simples  de  la  matiere  qu'il  a  prinse  a  traiter.  Il  dit  que  si  nous  requerons  si  estroitement  l'observation  des  ceremonies,  nous  avons  donc  a  ensuyvre  en  tout  et  par  tout  la  vie  de  nostre  Seigneur  Iesus  Christ:  veu  qu'il  se  propose  a  nous  pour  miroir  et  patron.  Il  conclud  donc  qu'il  nous  faudroit  aller  nue  teste,  et  pieds  nus,  et  sans  glaive,  sans  argent,  enseigner  par  les  montagnes,  au  desert  et  rivages  de  la  mer,  faire  miracles,  afin  d'estre  finalement  crucifies.  Voire  comme  si  les  petis  enfans  ne  savoyent  pas  que  nostre  Seigneur  Iesus  a  fait  des  oeuvres  pour  nous  donner  exemple:  les  autres  qui  luy  ont  este  propres  a  sa  personne,  pour  monstrer  qu'il  estoit  Fils  de  Dieu:  d'avantage  que  la  conformite  que  nous  devons  avoir  avec  luy  comme  avec  nostre  chef,  n'est  point  de  boire  du  vin  creu  en  Iudee,  ou  manger  du  pain  de  ce  pays-la,  ou  se  vestir  a  la  facon  d'alors,  ou  de  porter  un  saye  sans  cousture:  mais  [page  15]  en  ce  qui  appartient  a  l'obeissance  commune  que  doyvent  tous  fideles  a  Dieu.  Il  nous  est  commande  d'ensuyvre  Iesus  Christ.  Ie  le  confesse.  En  quoy?  Non  pas  en  des  singeries  vaines  et  frivoles:  mais  pour  estre  configurez  *)  a  luy  en  afflictions,  en  patience,  en  humilite,  en  piete,  en  dilection,  et  en  toute  sainctete.  Voila  le  langage  dont  luy  et  ses  Apostres  ont  use,  qui  suffit  pour  abbattre  les  gaudisseries  de  ce  brouillon,  qui  badine  par  trop  sottement.  De  vouloir  ensuyvre  les  miracles  de  Iesus  Christ,  ce  seroit  une  folle  presomption  et  temerite  a  nous,  comme  d'estre  sans  boire  et  sans  manger  par  l'espace  de  quarante  iours:  veu  que  cela  luy  a  este  donne  de  privilege.  Mesme  d'autant  que  les  miracles  qu'ont  fait  les  Apostres  ont  este  temporels,  pour  rendre  la  doctrine  de  l'Evangile  authentique,  ce  seroit  une  outrecuidance  perverse  a  nous  de  les  vouloir  auiourd'huy  contrefaire.  Mais  en  ce  que  nostre  Seigneur  Iesus  et  ses  Apostres  nous  ont  1)  1611':  rendus  conformes.