5:592  leur  propre  purete  ou  perfection,  estre  de  valeur  suffisante  pour  obtenir  vie  eternelle.  Au  contraire,  le  Pseaulme  dict:  Nul  vivant  ne  sera  iustifie  devant  toy.  Item:  Si  tu  prends  garde  aux  iniquitez,  Seigneur,  qui  est  ce  qui  consistera?  Item:  Ie  peche  seulement  contre  toy,  affin  que  tu  sois  iustifie  en  tes  parolles  et  soys  vainqueur  quand  on  te  condamne.  D'autrepart,  il  fault  consoler  les  fideles,  a  ce  qu'ilz  se  tiennent  pour  certains,  premierement  que  leurs  personnes  plaisent  a  Dieu  en  Christ  par  foy,  non  pas  d'autant  qu'ilz  satisfont  a  la  loy  de  Dieu,  pareillement  que  ceste  obeyssance  imperfaicte,  laquelie  doit  suyvre,  est  aussi  plaisante,  quand  avec  desplaisir  ilz  recongnoissent  leur  imperfection,  et  toutesfoys  croyent  que  leur  obeyssance  est  agreable  par  Christ,  et  leurs  oeuvres  sont  presentees  comme  hosties  spirituelles,  ainsi  qu,e  dict  sainct  Pierre:  Offrez  hosties  spirituelles  a  Dieu  agreables  par  Christ.  Qu'ilz  ayent  aussi  ceste  certitude,  que  non  pas  d'autant  qu'ilz  satisfont  a  la  loy,  mais  a  cause  de  Christ,  apres  qu'ilz  sont  iustifiez  par  foy  et  faictz  heritiers,  la  vie  eternelle  leur  est  [fol.  97]  donnee:  selon  ceste  sentence  :  C'est  la  volunte  du  Pere,  que  quiconque  croira  au  Filz,  ayt  la  vie  eternelle.  Et  pource  qu'il  y  demeure  tousiours  quelques  reliques  de  pechez  aux  Sainctz,  il  fault  mettre  difference  entre  les  pechez,  pour  Icsquelz  la  grace  n'est  point  ostee:  et  les  aultres  qui  estaignent  la  grace,  et  le  sainct  Esprit.  Il  sera  bon  d'adiouster  cela  pour  plusieurs  et  bonnes  causes.  Car  de  cela  les  fideles  entendent  que  la  foy  ne  signifie  pas  seulement  intelligence  de  la  doctrine,  mais  fiance  en  la  misericorde  de  Dieu,  a  nous  promise  a  cause  de  Christ,  laquelle  fiance  ne  consiste  point  avec  mauvaise  conscience.  Secondement,  ilz  entendent  que  ceulx  qui  perseverent  de  trebucher  contre  leurs  consciences  ne  peuvent  invoquer  Dieu,  veu  qu'on  ne  le  peult  invoquer  sinon  en  fiance  du  Mediateur  Iesus  Christ.  Tiercement  ilz  entendent  que  ceste  foy  ou  fiance,  pareillement  le  sainct  Esprit,  ne  peuvent  estre  en  ceulx  qui  pechent  contre  leurs  consciences.  Nous  estimons  que  les  deputez  de  Faultre  part  et  tous  hommes  prudens  et  craignans  Dieu,  approuveront  nostre  conseil,  de  mettre  ces  additions.  Au  tiltre  de  la  marque  de  l'Eglise,  a  scavoir  de  la  parolle  de  Dieu,  il  y  a  une  cottation  adioustee  sur  Je  passage,  ou  il  est  dict,  ceste  grand'maison  a  promesse  de  la  presence  du  sainct  Esprit.  Les  nostres  ont  dict,  que  ceste  promesse  appartenoit  aux  fideles  et  esleuz,  non  pas  a  la  multitude  des  meschans,  auxquelz  appartiennent  les  menasses.  Pourtant  il  fauldroit  obmettre  ces  motz,  grande  maison.  Car  il  ne  fault  pas  confermer  ceste  opinion  que  la  multitude  des  meschans  ne  puisse  errer  a  cause  des  promesses  donnees  a  l'Eglise,  veu  que