49:592  nostre  Seigneur  Iesus  Christ  nous  avons  desia  comme  la  vie  celeste  qui  nous  est  donnee  (comme  il  est  dit  que  nous  sommes  desia  assis  la  haut  par  esperance,  puis  que  le  Fils  de  Dieu  y  est  entre,  qu'il  est  nostre  chef,  et  que  nous  n'en  pouvons  pas  estre  separez)  ainsi  si  sous  ombre  de  cela  nous  voulions  nous  esgayer,  avisons  bien  a  nous:  car,  comme  i'ay  desia  dit,  il  y  a  ici  un  lien  qui  ne  se  peut  rompre,  par  lequel  Dieu  nous  a  conioints  et  unis  avec  les  Peres,  qui  ont  vescu  du  temps  de  la  Loy:  car  ils  ont  eu  le  Baptesme  comme  nous.  Or  si  nous  voulons  cercher  la  grace  de  Dieu,  ou  estce  que  nous  la  trouverons  mieux  qu'au  Baptesme?  Apres,  quel  gage  est-ce  que  la  saincte  Cene?  Dieu  ne  desploye-il  point  la  tous  les  thresors  de  salut?  Scauroit-il  plus  faire  que  quand  il  nous  monstre  qu'il  nous  donne  nostre  Seigneur  Iesus  Christ  a  ceste  condition  que  tousiours  il  demeure  en  nous  et  que  nous  soyons  permanens  en  luy,  que  nous  ayons  une  vie  commune,  et  que  nous  possedions  tous  ses  biens?  Quand  donc  nous  avons  cela,  et  que  les  Peres  anciens  Tont  eu  avec  nous,  ne  pensons  pas  si  auiourd'huy  nous  polluons  les  choses  sainctes,  et  lesquelles  Dieu  mesmes  a  dediees  tant  a  nostre  salut  qu'a  sa  gloire,  que  cela  demeure  impuni.  Car  voyla  un  sacrilege  partrop  vilain  et  insupportable:  toutesfois  et  quantes  que  les  hommes  se  desbordent  a  mal,  ils  polluent  le  sang  de  nostre  Seigueur  Iesus  Christ,  entant  qu'en  eux  est:  car  l'eau  du  Baptesme  n'est  rien  de  soy,  comme  nous  avons  dit:  mais  elle  nous  mene  au  sang  de  Iesus  Christ.  Apres  nous  foullons  au  pied  le  corps  et  le  sang  de  Iesus  Christ,  et  sommes  coulpables  de  luy  avoir  fait  tous  les  opprobres  et  outrages  qu'il  est  possible  de  dire.  Et  pensons  nous  quand  nons  aurons  este  si  malins,  voire  si  endiablez,  qu'il  y  aura  eu  en  nous  une  impiete  si  vileine,  que  Dieu  mette  cela  en  oubli?  Nenni,  non.  Il  nous  faudra  venir  a  conte.  Et  ainsi  que  nous  pensions  bien  a  ceste  conclusion  que  fait  sainct  Paul,  que  Dieu  n'apoint  pris  plaisir  en  tous  ceux  qui  ont  iouy  d'un  tel  bien.  Il  y  en  a  beaucoup  qui  ont  receu  le  Baptesme,  qui  ont  communique  a  la  Cene  de  nostre  Seigneur  Iesus  Christ,  et  qui  sont  reputez  du  troupeau  de  l'Eglise:  mais  cependant  ils  en  pourront  bien  estre  retranchez  comme  membres  pourris.  Que  faut-il  donc?  Il  est  certain  que  Dieu  nous  a  point  marquez  en  vain  par  le  Baptesme,  pour  dire  que  nous  soyons  ses  enfans.  Mais  quand  nous  avons  commence,  poursuyvons:  et  que  ce  soit  en  i'invoquant,  en  nous  remettant  a  luy,  et  ne  presumant  point  de  nostre  vertu:  et  aussi  en  ne  nous  donnant  point  conge  de  nous  reposer  au  milieu  du  chemin,  comme  si  nous  estions  quittes  pour  avoir  fait  quelque  service  a  Dieu,  que  nous  vivions  et  mourions  a  luy,  et  qu'il  y  ait  une