8:591  591  REFUTATIO  ERRORUM  592  quo  sensu  honorem  unigeniti  filii  tribuat  Christo,  pagina  732:  Si  Deus  alium  mundum  creasset,  et  in  aliis  formis  alias  rationales  creaturas  ex  se  ipsis  filios  generantes,  et  ipse  quoque,  si  voluisset,  in  ea  forma  filium  eis  similem  genuisset:  ac  tunc  ille  quoque  fuisset  in  sapientia  genitus,  et  fuisset  in  Deo  sapientia  eadem  quae  nunc  est  exhibitio  divina  :*)  et  semper  eadem  esset  ratio  filii  Dei,  quoad  divinitatem  attinet.  Videmus  ut  generi  humano  primarium  quendam  hominem  praeficiat,  qui  in  sapientia  formatus,  ideo  nomen  filii  Dei  obtinet,  quia  sit  quoddam  deitatis  exemplar:2)  interea  secundum  diversas  fabricas,  alios  potuisse  gigni  similes  filios.  Hinc  iam  liquido  constare  arbitror,  quid  coloris  habuerit  frivola  [pag.  181]  Serveti  excusatio.  Deinde  iure  necne  a  nobis  dictum  fuerit,  nihil  veniae  mereri  prodigiosum  blasphemiarum  eius  chaos.  Hic  quoque  notanda  est  hominis  temeritas,  quod  de  rebus  prorsus  incognitis  non  minus  superciliose  pronunciat,  quam  si  a  prima  mundi  origine  creatus  esset  temporum  omnium  censor.  Quia  Nicaeno  concilio  audierat  praefuisse  Athanasium,  quibuscunque  potest  probris  eum  flagellat.  Dico  audisse:  nam  acta  concilii  nunquam  ab  eo  fuisse  lecta  mox  patebit.  Adeo  quidem  nemini  veterum  parcit,  ut  omnes  dicat  fuisse  caecos  sophistas,  bestiae  ministros,  mancipia  Antichristi,  et  Satanae  praestigiis  fascinatos.  Athanasio  tamen  praecipue  ea,  quam  dixi,  causa  infestus,  foedam  illi  maculam  inurit,  quod  Deum  tripartitum  statuens,  simul  iusserit  imagines  adorari,  pag.  703,  et  aliis  locis.  Sed  unde  illud  decretum  hausit,  cuius  nusquam  in  historiis  fit  mentio?  Inscitiam  suam  crassius  prodit  libro  de  orbi≫  perditione  1,  pag.  399.  Nam  aptus  et  peritus  prophetarum  interpres  Christum,  ut  Daniel  praedixerat,  occisum  esse  nugatur  a  romano  duce  vere  babylonico,  qui  babylonicas  statuit  caeremonias,  matrimonium  interdixit,  legales  fecit  tonsuratorum  regulas,  unguenta  consecrationis,  iudaicos  ritus,  iudaica  et  babylonica  sacrificia.  Paulo  post  hic  trinitatis  ibidem  in  Deum  blasphemias  induxit,  et  monarchiam  romanam  migrare  Constantinopolim  fecit  :  gloriosus  confessor.3)  Idola  et  imagines,  ut  dixi,  sub  hoc  Sylvestro  coeperunt  ad  Helenae  mulieris  suggestionem.  Audierat  in  concilio  Nicaeno,  quod  furiosae  mulieris  Irenes  auspiciis  et  imperio  coactum  erat,  receptum  fuisse  et  probatum  imaginum  cultum.  Hanc  [pag.  182]  Irenem  audierat  Imperatoris  fuisse  matrem:  homo  phreneticus  nomen  aliud,  quamvis  non  multum  affine,  arripuit.  1)  exhibitio  divina,  gallice:  Christ.  2)  estant  homme  et  un  patron  de  deite.  3)  gloriosus  confessor.  Haec  verba  satis  obscura  Gallus  omittit.