5:591  ACTES  DE  BATISBONNE.  iustifie  par  foy,  avec  les  oeuvres.  Oar  aucuns  de  la  partie  adverse  sont  en  ceste  fantasie,  qu'il  fault  ainsi  prendre  la  sentence  de  sainct  Paul,  quand  il  dict:  Nous  sommes  iustin*ez  par  foy.  Comme  s'il  disoit:  nous  sommes  preparez  a  iustice,  c'est  a  dire  a  dilection,  pour  laquelle  nous  sommes  puis  apres  aggreables  a  Dieu,  non  pas  par  foy  a  cause  de  Christ.  Or  si  l'article  estoit  deprave  en  telle  sorte,  nous  serions  contrainctz  de  contredire.  Car  noz  deputez,  quand  ilz  ont  dict,  foy  vive  ou  efficace,  ont  voulu  signifier,  qu'ilz  ne  parloyent  point  de  la  seule  congnoissance  de  l'hystoire,  telle  que  l'ont  les  infideles:  mais  de  la  fiance,  qui  receoit  la  misericorde  promise  a  cause  de  Christ,  et  qui  console  les  consciences  espoventees.  En  ce  sens  les  nostres  ont  parle  de  l'efficace  de  foy,  par  laquelle  icelle  foy  est  un  mouvement  ardent,  et  confortant,  s'appuyant  en  Christ  et  vivifiant:  comme  il  est  demonstre  consequemment  en  l'article:  et  le  Prophete  dit,  que  le  iuste  vivra  de  sa  foy.  Pourtant,  affin  que  la  locution  ambigue  ne  nous  engendre  des  debatz,  ou  il  fault  adiouster  ceste  declaration,  ou  oster  ce  mot  efficace.  Ce  que  nous  avons  tel  soucy  de  ce  passage,  la  raison  est,  pource  qu'en  ceste  ville,  mesme  apres  la  conference,  on  a  publie  quelques  propositions:  lesquelles  condamnent  appertement  nostre  doctrine,  qui  est  neantmoins  la  pure  verite  de  l'Evangile,  et  remettent  en  avant  la  persuasion  vulgaire,  que  par  la  seule  dilection  nous  sommes  aggreables  a  Dieu.  Et  qu'est  cela  a  dire  aultre  chose,  sinon  que  l'homme  plaist  a  Dieu,  non  point  a  cause  de  Christ,  mais  a  cause  de  ses  vertuz,  ou  oeuvres?  Et  les  mesmes  propositions  renouvellent  beaucoup  d'erreurs  repugnans  a  l'Evangile.  Si  plusieurs  en  la  partie  adverse  persistent  a  maintenir  en  opiniastrete  leurs  faulses  persuasions,  quelle  esperance  pourra  [fol.  96]  on  avoir  de  tranquilite  ou  accord?  *  En  la  seconde  partie  du  mesme  article  de  la  iustification,  il  sera  besoing  d'expliquer  plus  amplement  la  doctrine  des  bonnes  oeuvres.  Car  puis  qu'il  avoit  este  dict  au  paravant  qu'il  y  a  tousiours  quelques  relicques  de  pechez  auxSainctz:  puis  aussi,  qu'il  fault  clairement  enseigner,  que  les  regenerez  iamais  ne  satisfont,  ceste  vie  durant,  a  la  loy  de  Dieu:  les  ames  fideles  cherchent  comment  elles  pourront  plaire  a  Dieu,  veu  qu'elles  sont  entachees  de  peche,  et  ne  satisfont  point  encores  a  la  loy.  Ceste  doubte  tormente  tousiours  les  bonnes  consciences:  et  voyons,  que  la  question  en  a  este  traictee  diligemment  par  les  sainctz  Docteurs  Ecclesiasticques,  a  scavoir,  Basilic,  Hierome,  Augustin  et  Bernard  II  fault  doncques  icy  taxer  l'arrogance  et  hypocrisie  de  ceux  lesquclz  ignorantz  la  doctrine  de  la  foy  en  Christ,  se  prisent  eulxmesmes,  et  pensent