49:591  591  SERMONS  592  Et  bien,  et  votre  Circonsion,  de  qtroy  vous  sertelle?  C'est  une  doctrine  morte  de  soy:  et  puis  elle  vous  oblige  a  garder  la  Loy  de  Dieu.  En  somme,  vous  n'en  pouvez  tirer  que  malediction.  Par  cela  S.  Paul  monstre  que  les  Iuifs  estoyent  destournez  de  la  vraye  regle  de  Dieu:  autant  en  est-il  en  ce  sixieme  de  sainct  Iean,  quand  Iesus  Christ  les  redargue:  mais  ici  nous  scavons  a  quelle  fin  Dieu  a  voulu  nourrir  le  peuple  au  desert,  quand  il  luy  a  donne  la  Manne,  et  a  fait  sortir  l'eau  du  rocher,  qui  auparavant  estoit  sec.  Or  ce  passage  nous  servira  de  beaucoup,  pour  nous  monstrer  comment  c'est  qu'auiourd'huy  nous  recevons  le  corps  et  le  sang  de  nostre  Seigneur  Iesus  Christ,  sous  le  pain  et  le  vin  en  la  Cene.  Nous  voyons  comme  le  monde  s'est  ici  enveloppe  en  des  superstitions  si  sottes  que  rien  plus.  Et  pourquoy?  Pour  ce  qu'on  a  prins  seulement  ce  mot,  Yoyci  mon  corps:  et  la  dessus  on  a  conclud  que  ce  morceau  de  pain  estoit  le  corps  de  nostre  Seigneur  Iesus  Christ,  et  que  ce  n'estoit  plus  pain,  mais,  Voyla  Dieu:  et  on  a  adore  ce  signe  visible,  et  le  monde  s'est  la  abruti:  et  le  diable  a  tellement  ensorcele  ceux  qui  ne  regardent  a  l'intention  de  Iesus,  et  des  mots  qu'il  a  prononcez,  qu'on  en  demeure  la.  Pour  ceste  cause,  il  sera  besoin  de  bien  poiser  ce  passage:  et  nous  verrons  en  quelle  sorte  auiourd'huy  nostre  Seigneur  Iesus  Christ  nous  communique  son  corps  et  son  sang  en  la  Cene.  Mais  ie  voy  bien  que  nous  ne  pourrions  traitter  cest  argument  pour  ceste  heure:  pourtant  nous  le  reserverons  pour  le  sermon  suyvant  au  plaisir  de  Dieu.  Cependant  venons  a  l'intention  principale  de  sainct  Paul.  Il  nous  monstre  ici  qu'il  ne  nous  faut  point  estre  eny  vrez  d'une  folle  presomption,  sous  ombre  que  Dieu  nous  a  eslargi  de  ses  graces  tant  liberalement,  comme  l'Evangile  le  monstre.  Vray  est  que  nous  sommes  preferez  aux  Peres  anciens:  comme  il  est  dit,  Bienheureux  les  yeux  qui  voyent  ce  que  vous  voyez,  et  les  aureilles  qui  oyent  ce  que  vous  oyez.  Plusieurs  Rois  et  Prophetes  ont  desire  d'avoir  telle  revelation,  et  ils  n'en  ont  pas  iouy.  Nous  sommes  donc  constituez  en  un  degre  plus  haut  que  les  Peres,  qui  ont  vescu  sous  la  Loy.  Mais  malheur  sur  nous,  si  nous  ne  recevons  ceste  grace  la  pour  la  faire  valoir:  et  si  nous  ne  cheminons  en  crainte  et  solicitude,  veu  que  Dieu  s'est  ainsi  eslargi  envers  nous.  Parquoy  ouvrons  les  yeux  pour  contempler  la  clarte  qu'il  nous  monstre,  et  soyons  attentifs  a  la  doctrine  qu'il  nous  propose.  Voyla  donc  en  quoy  nous  devons  cognoistre  que  Dieu  nous  a  plus  avancez  que  ceux  qui  ont  vescu  devant  nous.  Mais  cependant  ce  n'est  pas  a  dire  que  chacun  se  doyve  lascher  la  bride  a  malfaire,  et  que  nous  prenions  ceste  licence  sous  ombre  que  Dieu  nous  a  adoptez  pour  ses  enfans,  et  qu'en