48:591  591  SERMONS  592  tions  que  nous  avons  en  nous,  et  de  toutes  ces  vanitez  qui  nous  retienent  yci  bas.  Il  faut  que  nous  soyons  du  tout  changez  et  que  Dieu  nous  donne  une  nouvelle  vie.  Voyla  comme  il  faut  faire  proufiter  l'Evangile,  afin  qu'il  soit  vrayement  le  Royaume  de  Dieu,  et  qu'il  ait  telle  authorite  sur  nous  comme  il  appartient.  Et  cependant  cognoissons  que  Dieu  ne  nous  appelle  pas  a  soy  pour  nous  tenir  en  un  estat,  mais  qu'il  nous  poussera  tousiours,  iusques  a  ce  qu'il  nous  ait  amenez  a  perfection,  en  nous  faisant  cognoistre  que  la  vie  presente  est  comme  une  mer  plene  de  toutes  miseres.  Voyla  comment  Iesus  tend  a  nous  mener  au  Royaume  celeste,  apres  que  nous  sommes  entrez  au  Royaume  de  Dieu  en  ce  monde.  Il  adiouste  qxxHl  leur  defendit  de  ne  partir  de  Ierusalem,  iusques  a  ce  qu'ils  eussent  receu  la  promesse  de  Dieu.  Tout  ceci  est  recite  pour  l'edification  de  nostre  foy.  Car  nous  voyons  combien  il  est  necessaire  que  ce  poinct-la��  nous  soit  asseure  et  resolu:  c'est  ascavoir  que  la  doctrine  de  l'Evangile  n'est  point  forgee  des  hommes,  mais  que  Dieu  Pa  envoyee  du  ciel.  Il  faut  donc  que  cela  soit  mis  hors  de  toute  doute.  Comment  le  sera-il  sinon  qu'il  nous  soit  bien  monstre  et  bien  verifie  que  Iesus  Christ  a  tellement  envoye  ses  Apostres  qu'ils  n'ont  point  este  menez  par  leur  propre  mouvement,  par  leur  conseil,  ne  par  leur  volonte:  mais  que  Dieu  les  a  envoyez  et  leur  a  dicte  leur  lecon,  et  qu'ils  ont  eu  l'intelligence  de  ceste  doctrine,  non  pas  par  leur  sens,  mais  par  le  sainct  Esprit.  Il  faut  donc  noter  ce  que  S.  Luc  dit  yci,  qu'il  a  traitte  ceste  doctrine  souventesfois  avec  eux,  afin  qu'ils  en  fussent  d'autant  mieux  informez  et  qu'ils  n'y  allassent  point  a  la  volee.  Outre  cela  il  dit  qu'il  a  falu  qu'ils  ayent  este  illuminez  par  le  S.  Esprit,  afin  qu'ils  fussent  vuydes  de  toute  sagesse  humaine,  et  qu'on  cognust  que  leur  doctrine  estoit  une  oeuvre  de  Dieu.  Notons  donc  cela,  afin  que  nostre  foy  soit  tousiours  fichee  en  Dieu,  comme  une  anchre,  pour  estre  ferme.  Car  es  creatures  nous  ne  trouverons  rien  qui  n'escoule  comme  l'eau,  et  pourtant  nostre  foy  y  sera  mal  fondee:  mais  quand  elle  sera  en  Dieu,  nous  ne  sommes  point  suiets  a  chanceler  ca  et  la,  mais  nous  tenons  ferme.  Voyla  pourquoy  il  fut  defendu  aux  Apostres  qu'ils  ne  partissent  point  de  Ierusalem  qu'ils  n'eussent  receu  la  promesse.  En  cela  nous  voyons  leur  obeissance,  car  selon  la  raison  de  l'homme  ils  eussent  peu  repliquer,  Comment?  ne  sommes-nous  pas  Apostres  de  Dieu?  n'avons-nous  pas  authorite  de  prescher  sa  Parolle?  ne  scavon8-nous  pas  executer  nostre  charge?  Ils  avoyent  quelque  apparence  de  ce  dire.  Car  a  quel  propos  Dieu  les  avoit-il  instituez  en  ceste  charge,  sinon  qu'ils  la  feissent?  Mais  ils  cognoissent  que  c'est  a  luy  qu'il  faut  obeir.  Malheur  a  l'homme