35:591  591-592  NOTICE  PRELIMINAIRE.  S.  Iehan,  ou  il  est  amplement  traitte  de  la  Divinite  de  nostre  Seigneur  Iesus  Christ.  Or  par  ce  mot  de  Congregation,  i'enten  une  certaine  assemblee  de  l'Eglise  qui  se  fait  un  des  iours  de  la  sepmaine,  ou  un  chacun  des  Ministres  en  son  ordre  expose  quelque  passage  de  l'Escriture,  plus  par  forme  de  lecon  que  de  predication:  et  cela  fait,  s'il  y  a  quelqu'un  des  autres  a  qui  l'Esprit  de  Dieu  ait  revele  quelque  chose  faisant  a  l'intelligence  et  esclaircissement  de  ce  qui  a  este  propose,  il  luy  est  libre  de  parler.  En  apres  nous  avons  fait  suyvre  un  sermon  du  iour  de  Noel  concernant  la  Nativite  de  Iesus  Christ.  Puis  nous  avons  adiouste  les  predications  de  la  passion  et  mort  d'iceluy,  de  sa  resurrection  et  ascension,  de  la  descente  du  S.  Esprit  sur  les  Apostres  et  de  la  premiere  harangue  de  8.  Pierre  apres  avoir  receu  le  S.  Esprit.  Finalement  nous  avons  adiouste  un  sermon  ou  il  est  traitte  du  dernier  advenement  de  Iesus  Christ.  Apres  lequel  pensans  imposer  fin  a  ce  livre,  il  a  pleu  a  Dieu  nous  faire  ouyr  les  plus  excellentes  predications  qu'il  est  possible  d'ouir  ne  reciter,  sur  la  fin  du  52e  chapitre  du  Prophete  Isaie,  et  sur  tout  le  53e,  ou  le  mystere  de  la  mort  et  passion  de  nostre  Seigneur  Iesus  Christ  et  les  causes  d'icelle  sont  tellement  descristes  et  depeintes  au  vif,  qu'il  semble  que  le  S.  Esprit  nous  ait  voulu  presenter  devant  nos  yeux  Iesus  Christ  condamne  en  nostre  nom  et  attache  a  la  croix  pour  nos  pechez,  afin  qu'en  souffrant  la  punition  qui  nous  estoit  deue,  et  soustenant  pour  nous  l'ire  et  le  iugement  de  Dieu,  il  nous  delivrast  de  la  mort  eternelle.  Lesquelles  predications  nous  ont  semble  si  convenantes  aux  precedentes  que  nous  avons  yci  mises  qu'il  ne  s'est  peu  faire  que  nous  ne  les  adioignissions  a  ceux-ci  afin  de  ne  vous  frustrer  d'un  si  grand  bien.  Au  reste,  nous  avons  regarde  de  choisir  le  plus  que  nous  avons  peu  les  predications  qui  se  font  tous  les  iours  esquels  se  celebre  la  saincte  Cene  du  Seigneur  en  ceste  Eglise,  tant  pource  qu'elles  ont  volontiers  quelque  plus  grande  vehemence,  que  pource  que  le  poinct  de  ce  Sacrement  y  est  tousiours  esclarci,  pour  lequel  auiourd'huy  il  y  a  plus  de  contentions  et  controversies  au  monde  que  pour  autre  qui  soit.  Et  a  ceste  mesme  raison  nous  avons  delibere  de  vous  presenter  consequemment  les  Sermons  que  ce  bon  Docteur  a  faits  sur  le  dix  et  onzieme  chapitre  de  la  premiere  Epistre  de  S.  Paul  aux  Corinthiens,  ou  la  vraye  institution  de  la  Cene  est  clairement  monstree,  et  la  corruption  et  abus  qui  depuis  sont  survenus  vivement  refutez.  En  outre,  pource  que  les  deux  Epistres  de  S.  Paul  a  Timothee  et  celle  a  Tite  sont  eomme  les  oeconomiques  de  l'Eglise,  c'est  a  dire  contenant  l'estat  et  gouvernement  d'icelle,  et  comme  chacun  en  particulier  doit  se  porter  en  son  office,  maintenant  que  le  Seigneur  par  sa  misericorde  estend  les  rayons  de  sa  lumiere  Evangelique  en  meints  endroits,  nous  esperons  publier  les  predications  qui  ont  este  faites  sur  ces  trois  Epistres-la.  Et  pource  aussi  que  la  grace  par  Iesus  Christ  et  l'aneantissent  du  merite  des  oeuvres  humaines  sont  excellemment  traittez  en  l'Epistre  aux  Galatiens,  nous  esperons  vous  presenter  les  sermons  faits  sur  icelle:  chose  autant  necessaire  en  ce  temps  que  nulle  autre.  Que  si  nous  appercevons  que  tels  presens  vous  soyent  agreables,  nous  n'espargnerons  tous  les  moyens  que  Dieu  nous  donnera  pour  vous  faire  participans  de  plusieurs  autres.  Cependant,  mes  freres  bien-aimez,  poursuyvez  heureusement  vostre  course,  et  ne  vous  espouvantez  pour  les  menaces  et  cruautez  des  tyrans,  qui  pensent  auiourd'huy  faire  service  a  Dieu  de  persecuter  Iesus  Christ  en  ses  membres:  proposez-vous  ceste  couronne  incorruptible  et  ioye  perdurable  qui  vous  est  preparee  si  vous  perseverez  constamment  et  iusques  a  la  fin  en  vostre  saincte  vocation,  scachans  que  les  souffrances  du  temps  present  ne  sont  point  dignes  de  la  gloire  a  venir:  a  laquelle  nous  puissions  parvenir  par  Iesus  Christ  nostre  Sauveur.  Ainsi  soit-il.