32:591  591  NEUFIEME  SERMON  592  quelque  petite  affection  et  maigre    suyvre  Dieu,  nous  en  serons  bien  tost  lassez.  Il  faut  donc  que  nostre  coeur  y  soit  adonne  du  tout,  ou  nous  ne  pourrons  pas  tenir  bon  pour  resister  a  Satan.  Or  il  est  dit  puis  apres,  Leur  coeur  est  gras  comme  sein,  mais  Vay  prins  plaisir  en  ta  Loy.  Yci  David  fait  comparaison  des  contempteurs  de  Dieu,  avec  ceux  qui  ont  desir  de  le  servir.  Et  pourquoy?  Il  monstre  que  la  cause  qui  induit  ainsi  les  incredules  a  mespriser  Dieu,  est  la  vie  dissolue  et  brutale  qu'ils  meinent:  d'autant  qu'ils  sont  engraissez  comme  un  porceau  qu'on  engraissera  en  Pauge,  qu'on  aura  creve  de  gland,  ou  d'orge.  Et  bien,  le  voyla  entortille  en  son  sein.  Il  est  si  trespesant  qu'il  ne  se  peut  bouger:  combien  que  ce  soit  desia  une  beste  pesante,  qui  ne  demande  que  la  fange  et  l'ordure,  encores  sera-il  plus  pesant  beaucoup  quand  on  l'aura  bien  engraisse.  Autant  en  est-il  de  ces  mal-heureux  qui  mesprisent  Dieu,  qui  n'ont  nul  esgard  a  la  vie  eternelle,  qui  s'adonnent  du  tout  a  leur  ventre.  Ils  sont  enveloppez  en  leur  sein,  comme  une  beste  qui  aura  tousiours  le  groin  en  l'auge.  Or  au  contraire,  David  dit  qu'il  a  prins  son  plaisir  a  la  parole  de  Dieu.  En  quoy  il  signifie,  qu'encores  que  Dieu  l'ait  engraisse,  si  est-ce  qu'il  n'a  point  este  enveloppe  en  son  sein,  mais  a  prins  son  plaisir  en  ce  bien  spirituel  qui  luy  estoit  donne,  d'autant,  que  Dieu  l'avoit  enseigne  en  son  escole.  Voyla  donc  ce  que  nous  avons  a  retenir  de  ce  passage:  que  si  nous  voyons  la  pluspart  du  monde  qui  mesprise  Dieu,  il  ne  nous  faut  point  esbahir  de  cela.  Et  pourquoy?  Advison8  bien  ou  c'est  que  les  hommes  constituent  leur  felicite,  et  nous  trouverons  quTils  sont  comme  des  boeufs  ou  des  porceaux,  ne  demandans  sinon  de  vivre  en  ce  monde  sans  regarder  plus  loin.  Or  si  faut-il  bien  que  nous  ayons  un  autre  regard,  si  nous  voulons  servir  a  Dieu  comme  il  appartient:  c'est  ascavoir,  que  nous  prenions  tel  plaisir  et  telle  resiouissance  en  sa  parole,  que  nous  ne  soyons  plus  adonnez  au  monde,  comme  nous  sommes  par  trop.  Et  encores  que  Dieu  nous  donne  abondance,  mesmes  qu'il  nous  donne  nos  aises  et  des  commoditez  en  ce  monde,  ne  nous  appuyons  point  la  dessus,  mais  cognoissons  que  tout  cela  ne  sont  que  petis  moyens  et  accessoires:  taschons  d'aller  au  principal,  ascavoir,  que  nous  le  cognoissions  pere  et  Sauveur:  et  le  cognoissans  tel,  que  nous  aspirions  a,  luy,  et  a  ceste  vie  immortelle,  a  laquelle  il  nous  convie  et  nous  appelle.  Voyla,  dy-ie,  ce  que  nous  avons  a  retenir.  Et  au  reste,  si  Dieu  quelques  fois  nous  domte  par  afflictions,  venons  a  ce  que  David  adiouste,  c'est