25:591  591  NOTICE  LITTERAIRE.  592  leur  en  ait  peu  faire.  Or  qu'ils  se  vantent  tant  qu'ils  voudront  d'estre  Chrestiens  et  bons  fidelles,  si  ne  feront-ils  point  accroire  aiseement,  qu'ils  ayent  autant  de  conscience  en  cest  endroit,  que  les  papistes  en  auroyent.  Car  quelque  ignorance  qu'il  y  ait  en  eux,  si  ne  voudroyent-ils  point  prendre  ne  retenir  ce  qu'ils  sauroyent  appartenir  aux  povres.  Et  c'est  une  grand'  honte,  que  ceux  qui  font  profession  de  l'Evangile,  qui  se  trouvent  aux  assemblees  Chrestiennes,  recoivent  la  saincte  Cene  de  nostre  Seigneur  Iesus,  bref,  qui  veulent  estre  tenus  du  rang  des  fidelles,  ne  se  soucient  autrement  de  s'acquitter  de  ce  qu'ils  doyvent:  et  sommes  esbahis  comment  ils  osent  assister  aux  predications  publiques,  la  ou  ils  sont  souvent  condamnez,  pour  le  moins  en  general.  Mais  on  voit  par  experience  qu'ils  n'en  sont  nullement  esmeus,  et  s'endorment  la  dessus:  tellement  qu'ils  ne  pensent  point  que  tant  de  menaces,  qui  se  font  contre  tous  ceux  qui  ne  se  portent  pas  loyaument  avec  leurs  prochains,  et  contre  ceux  qui  retiennent  le  bien  d'autruy,  et  principalement  celuy  qui  est  consacre  aux  povres,  s'adressent  a  eux.  Tant  y  a,  quoy  que  les  uns  et  les  autres  facent,  si  faudra-il  qu'un  iour  ils  sentent  a  leurs  despens,  que  ce  qui  est  fait  aux  povres  membres  du  Fils  de  Dieu,  il  le  repute  estre  fait  a  sa  propre  personne,  tant  il  les  a  pour  recommandez.  Parquoy  il  seroit  bien  temps  desormais,  que  toutes  telles  gens  advisassent  de  plus  pres  a  eux  et  a  leur  devoir,  sans  se  laisser  ainsi  transporter  a  leurs  phantasies  et  affections  mal  reiglees,  qui  les  empeschent  de  faire  aucun  scrupule,  de  s'approprier  et  retenir  le  bien  des  povres.  Touchant  a  quelques  Imprimeurs,  qui  ne  font  point  difficulte  de  rimprimer  incontinent  les  copies,  que  d'autres  ont  imprimees  avec  grans  frais,  et  par  ce  moyen  engardent  que  plusieurs  bons  personnages  n'osent  entreprendre  d'imprimer  entre  autres  choses,  un  grand  nombre  de  Sermons  du  mesme  autheur,  lesquels  sont  ici,  et  appartiennent  a  nos  povres:  l'advertissement  qui  est  en  la  preface  de  ceux-ci,  encores  qu'il  soit  bien  bref,  les  doit  assez  retenir,  et  faire  qu'on  appercoive  en  eux  pour  le  moins  autant  de  modestie  et  d'honnestete  qu'on  en  voit  aux  povres  papistes,  qui  se  meslent  de  l'art  de  l'imprimerie.  Car  ils  auroyent  honte  qu'il  leur  fust  reproche  d'avoir  entreprins  les  uns  sur  les  autres.  Voila  ce  que  nous  avons  estime  estre  bon  d'adiouster  en  cest  endroit,  nous  asseurans  que  tous  fidelles,  et  gens  craignans  Dieu  ne  trouveront  point  mauvais  cest  advertissement,  lequel  nous  avons  este  contraints  de  faire  pour  le  devoir  de  nostre  charge,  laquelle  seule  nous  doit  bien  excuser,  s'il  sembloit  a  quelqu'un  que  ce  que  nous  avons  remonstre,  n'est  pas  a  propos.  Mais  nous  esperons  que  toutes  gens  de  bon  iugement  et  de  sens  rassis,  iugeront  que  nous  ne  pouvions  et  ne  devions  laisser  passer  une  si  bonne  occasion  que  cest'e-ci,  pour  advertir  ceux  qui  impriment,  ou  font  imprimer,  de  faire  leur  devoir  envers  les  povres.  A  Geneve,  ce  12  de  Fevrier  1567.  III.  Il  est  venu  bien  a  propos,  que  le  precedent  advertissement  paracheve,  il  s'est  trouve  place  vuide,  pour  adiouster  ce  mot,  qui  servira  de  confirmation  de  ce  qui  y  a  este  traitte  touchant  la  procedure  par  ci  devant  tenue  en  l'impression  des  Sermons  sur  Daniel.  Car  s'estant  tout  presentement  recouvre  un  exemplaire  imprime  a  la  Rochelle  par  Barthelemi  Berton,  de  l'an  1565  celuy  qui  se  dit  autheur  pour  les  avoir  mis  en  lumiere,  advance  qu'ils  ont  este  comme  en  prison  par  l'espace  de  douze  ans  ou  environ,  et  que  l'autheur  les  a  supprimez  et  contenus  enclos  et  serrez,  et  autres  semblables  propos  forgez  a  plaisir.  Or  en  cela  il  declaire  assez  par  quel  moyen  il  a  eu  telles  copies,  qui  n'ont  iamais  este  cachees  a  tous  ceux  qui  les  ont  voulu  avoir,  pour  les  lire  seulement:  mais  bien  a  ceux  qui  les  eussent  voulu  retirer,  pour  frustrer  nos  povres  d'un  bien  qui  leur  estoit  loyallement  acquis.  Et  quand  a  ce  qu'il  conte  que  la  copie  qu'il  a  fait  imprimer,  estoit  tombee  es  mains  d'un  sien  ami:  il  se  devoit  pour  le  moins  enquerir  comment  cela  estoit  advenu,  et  a  quel  titre  cest  ami  la  faisoit  sienne,  pour  Poser