5:590  mortelle  satisfaire  a  la  loy  de  Dieu.  Or  il  est  necessaire  que  ceste  doctrine  soit  arrestee  en  l'Eglise  et  familierement  congneue,  que  pour  la  corruption  de  nostre  nature,  mesmes  les  hommes  regenerez  ne  peuvent  satisfaire  a  la  loy,  ceste  vie  durant,  mais  sont  iustes,  c'est  a  dire  aggreables  a  Dieu  par  foy,  a  cause  du  Mediateur  Iesus  Christ.  Parquoy  il  seroit  expedient  non  seulement  de  recevoir  ceste  cotation,  mais  aussi  de  mettre  expressement  en  quelque  lieu  que  l'homme  regenere  ne  satisfaict  iamais  a  la  loy  de  Dieu,  comme  nous  dirons  encores  puis  apres.  [fol  94]  Au  reste  il  seroit  aussi  bon  et  utile  de  taxer  icy  les  opinions  qui  ont  este  semees  touchant  ]e  merite  de  congruite,  qu'on  appelle,  lesquelles  ont  opprime  et  abatu  la  doctrine  de  la  foy  iustificante,  et  de  la  remission  des  pechez  gratuite  en  Christ.  Car  combien  que  Dieu  requiere  honnestete  de  vie,  mesme  en  ceulx  qui  ne  sont  point  regenerez,  et  punit  les  transgressions  tant  par  peines  temporelles,  que  eternelles,  toutesfoys  il  ne  fault  penser  que  l'honnestete  de  vie  en  ceulx  qui  ne  sont  point  regenerez,  merite  remission  des  pechez.  Car  l'ame  qui  n'est  point  regeneree,  ou  elle  contemne  Dieu  par  nonchalance,  ou  bien  est  oppressee  du  iugement  et  condamnation  de  la  Loy,  elle  l'a  en  horreur,  elle  le  fuyt  et  murmure  contre  luy:  mais  elle  commence  a  l'aymer,  quand  elle  est  redressee  par  foy,  et  congnoist  la  remission  des  pechez  estre  en  Iesus  Christ.  Voila  le  commencement  de  aymer  Dieu.  Et  pourtant  il  nous  fault  reiecter  et  mettre  bas  ces  songes  des  moynes,  qui  ont  imagine  que  l'homme  non  regenere  pouvoit  aymer  Dieu,  et  faire  la  loy  quand  a  la  substance  des  oeuvres.  Nous  pensons  bien,  que  ces  opinions  sont  aussi  reprouvees  du  Livre:  mais  nous  avons  voulu  reciter  cela,  affin  qu'il  apparoisse  comment  nous  entendons  le  Livre.  En  l'article  du  peche  originel,  ou  il  est  dict  que  le  materiel  demeure,  c'est  a  dire  la  concupiscence,  griefve  maladie,  infirmite  etc.,  que  ce&  parolles  soyent  adioustees:  que  c'est  un  vice  repugnant  a  la  loy  de  Dieu,  comme  il  fust  accorde  a  Vormes.  Et  de  faict,  le  Livre  ne  veult  pas  que  ce  mal  soit  extenue,  veu  que  c'est  une  repugnance  a  la  loy  de  Dieu,  mauvaise  et  pernicieuse,  comme  il  appert  assiduellement  en  tant  de  deifaulx  que  les  coeurs  ne  sont  point  assez  enflambez  de  l'amour  de  Dieu,  que  la  crainte  et  la  foy  languissent.  Pareillement  le  Livre  confesse,  que  ceste  maladie  continuellement  engendre  mauvais  fruictz:  desquelz  les  fideles  doyvent  demander  pardon  :  et  contre  lesquelz,  ilz  doyvent  batailler  par  l'Esprit  de  Dieu.  ffol.  9  5]  En  l'article  de  la  iustification,  ou  il  est  dict  par  la  foy  efficace,  nous  avons  entendu,  que  ce  mot  a  este  deprave  par  aucuns,  qui  ont  interprete  cela,  foy  ouvrante,  comme  si  l'homme  estoit