49:590  sainct  Paul  adiouste  quant  a  la  viande  spirituelle.  Il  dit  que  les  Peres  ont  mange  une  mesme  viande  spirituelle  et  ont  beu  un  mesme  breuvage  spirituel.  Or  il  est  bien  certain  qu'il  ne  les  accompare  pas  ici  entr'eux:  car  cela  seroit  hors  de  propos:  mais  il  monstre  la  similitude  et  convenance  qu'ils  ont  eue  avec  nous.  Ils  n'ont  pas  donc  este  destituez,  que  Dieu  ne  leur  ait  eslargi  un  tesmoignage  de  son  amour  paternelle  :  car  de  cela  leur  a  servi  la  Manne,  et  aussi  l'eau  qu'ils  ont  beue  au  desert.  Il  est  vray  que  la  Manne  a  este  pour  nourrir  le  peuple  corporellement,  d'autant  qu'il  n'avoit  ne  pain  ni  aucune  substance  en  une  terre  sterile.  Mais  comme  desia  nous  avons  declare,  Dieu  les  a  voulu  amener  plus  haut.  Et  ceci  n'est  point  contraire  a  ce  qui  est  recite  au  sixieme  chapitre  de  sainct  Iean,  quand  nostre  Seigneur  lesus  dit,  que  Moyse  a  donne  la  Manne,  qui  estoit  une  viande  corruptible,  mais  que  luy  est  venu  pour  nourrir  les  ames  et  pour  donner  le  pain  celeste.  Nostre  Seigneur  Iesus  Christ,  diie,  parlant  ainsi,  ne  contredit  pas  a  ce  qui  est  ici  traitte  par  sainct  Paul:  car  il  parloit  selon  la  capacite  des  auditeurs.  Voyla  les  Iuifs  qui  eussent  voulu  estre  repeus  de  luy  :  et  en  magnifiant  Moyse,  ne  regardoyent  sinon  a  ce  qu'il  avoit  nourri  leurs  Peres,  par  l'espace  de  quarante  ans:  et  mesmes  prenoyent  occasion  de  mespriser  l'Evangile,  pour  ce  que  Iesus  Christ  ne  venoit  point  a  la  facon  de  Moyse:  comme  s'ils  eussent  dit,  Si  tu  faisois  un  tel  miracle,  que  nous  fussions  nourris  quarante  ans,  alors  nous  scaurions  que  tu  es  envoye  de  Dieu.  Or  les  Iuifs  parlans  ainsi,  n'avoyent  nul  sentiment  spirituel  en  eux:  mais  estoyent  du  tout  adonnez  a  ceste  vie  caduque.  Ainsi  nostre  Seigneur  Iesus  Christ  parle  selon  leur  fantasie  qui  estoit  lourde:  et  dit,  Et  bien,  vous  cerchez  une  viande  qui  perit:  et  de  moy,  i'en  apporte  une  meilleure.  Mais  quoy?  vous  n'y  prenez  point  de  goust,  mais  vous  estes  abbrutis.  Ceux  qui  sont  de  Dieu  cognoissent  le  bien  que  ie  leur  apporte  :  a  scavoir  non  point  pour  nourrir  leurs  ventres,  mais  leurs  ames,  voire  d'une  pasture  qui  est  beaucoup  plus  precieuse  que  n'a  pas  este  la  Manne,  et  ainsi  Iesus  Christ  ne  touche  la,  sinon  ce  qui  estoit  temporel  en  la  Manne,  parlant  selon,  l'apprehension  des  Iuifs.  Ici  sainct  Paul  comprend  le  tout,  c'est  a  scavoir  que  Dieu  s'est  declare  Pere  envers  les  Iuifs  :  et  que  par  cela  il  les  a  certifiez  de  leur  salut,  d'autant  que  nous  ne  pouvons  pas  etre  adoptez  de  luy,  que  nous  n'ayons  nos  sens  eslevez  a  l'heritage  du  Royaume  des  cieux.  Voyla  donc  l'intention  de  sainct  Paul,  qui  convient  tres  bien.  Et  de  faict,  nous  voyons  mesmes  quand  sainct  Paul  parle  quelquefois  de  la  Circoncision,  comment  il  l'aneantit,  et  luy  oste  toute  sa  vertu.  Et  pourquoy?  Car  il  avoit  lors  question  avec  gens  qui  avoyent  perverti  l'usage  de  la  Circoncision  :  et  pourtant  il  leur  dit,  40*