8:59  59  DE  SCANDALIS.  60  bent  fideles  cum  Christo,  suo  capite:  quia  ipso  animae  nostrae  in  spirituale  alimentum  fruantur.  Horum  omnium  consentanea  ubique  est  traditio.  Quod  igitur  tantum  in  hac  parte  offendiculum  reperiunt  fastuosi  homines,  ut  viam  evangelio  praecludat?  At  in  modo  definiendo  ratio  paulum  est  diversa.  Fateor  sane,  non  tam  distincte  loqui  omnes,  quam  esset  optandum:  sive  quod  non  eadem  omnibus  clare  et  liquide  disserendi  suppetit  facultas,  sive  quod  non  eandem  omnes  fidei  mensuram  sunt  adepti.  Quum  ex  densis  papatus  tenebris  multum  adhuc  sit  residuum,  quidquid  ad  [pag.  75]  discutiendas  errorum  tenebras  facit,  sedulo  et  dilucide  exponi  si  cui  molestum  est,  is  se  lucem  maligne  fugere  prodit.  Dum  autem  nos  a  terra  in  coelum  homines  evehimus,  dum  a  mortuis  elementis  eos  ad  Christum  traducimus,  quum  iustitiae  salutis  bonorumque  omnium  causam  reponimus  in  mera  eius  gratia,  dum  spiritui  sancto  ascribimus  totam  signorum  efficaciam,  et  sicuti  unicus  spiritualis  vitae  autor  et  perfector  est  Deus,  illi  in  solidum  vindicamus  quod  suum  est,  dum  crassa  omnia  figmenta  repudiamus  quibus  delusum  fuisse  mundum  palam  est,  dum  carnalem  Christi  praesentiae  modum  perversamque  eius  in  signo  adorationem  tollimus:  qui  inde  offendiculum  concipiunt,  quum  scientes  et  volentes  impingant  in  Christum,  digni  sunt  qui  se  collidant.  Multos  quidem  esse,  quos  scandalorum  praetextus  iuvat,  quia  ipsis  in  luce  caecutire  libet,  hac  in  causa  sum  expertus.  Porro,  quod  supra  breviter  attigi,  memoria  repetendum  est:  quum  res  novae  multis  delictis  occasionem  praebeant,  accuratius  tamen  notari,  et  reprehendi  severius,  si  quid  tunc  peccatur,  quam  si  nulla  facta  esset  mutatio.  Quam  profundus  fuerit  ignorantiae  gurges  in  papatu,  quam  horrenda  errorum  caligo,  cum  stupore  recordamur.  Inde  Lutherum,  et  qui  eodem  tempore  laborarunt  in  restituenda  pietatis  doctrina,  paulatim  emergere  potuisse,  ingens  fuit  Dei  miraculum.  Quod  non  eodem  simul  momento  omnia  viderunt,  quod  non  ad  unguem  expolitum  primo  die  tam  arduum  fuit  opus,  offendi  se  nonnulli  causantur,  ne  ad  evangelium  accedant,  vel  ne  pergant  in  cursu  iam  incepto.  Quam  importunae  sint  lautitiae  istae,  quis  non  videt?  Perinde  enim  faciunt,  ac  si  quis  nos  accuset,  quod  primo  aurorae  exortu  solem  meridianum  nondum  cernimus,  [pag.  76]  Nihil  istis  querimoniis  magis  tritum.  Cur  non  statim,  quid  sequi  oporteret,  nobis  exacte  praescriptum  est?  Cur  potius  quam  alia,  hoc  latuit?  Ecquis  tandem  erit  finis,  si  ulterius  subinde  tendere  permissum  fuerit?  Nempe  qui  sic  loquuntur,  vel  profectum  Dei  servis  invident,  vel  Christi  regnum  aegre  ferunt  in  melius  promoveri.  Eadem  in  minimis  quibusque  erratis  morositas  apparet:  quae  etsi  non  adeo  facilem  merentur  veniam,  non  tamen  usque