7:59  59  BRIEVE  INSTRUCTION  60  plus  claire  intelligence:  quand  un  homme  a  este  estranger  de  la  compagnie  des  fideles,  et  qu'il  se  convertit  a  nostre  Seigneur:  la  doctrine  sur  laquelle  il  est  baptise,  s'adresse  a  luy.  Pourtant  il  faut  qu'il  l'entende,  et  qu'il  Tait  comprinse,  devant  qu'on  le  recoyve  au  Sacrement.  La  doctrine,  sur  laquelle  sont  baptises  les  enfens  des  Chrestiens,  ne  s'adresse  pas  a  eux,  mais  a  leurs  parens  et  a  toute  l'Eglise.  Il  n'est  pas  donc  requis  qu'ilz  l'entendent  devant  que  recevoir  le  signe.  Pourtant,  quand  on  fait  cest  argument:  Nostre  Seigneur  a  commande  a  ses  Apostres,  de  prescher  devant  que  baptiser,  et  a  dict,  que  celuy  qui  croira  et  sera  baptise,  sera  sauve:  il  s'ensuit  donc  que  nul  ne  doit  estre  admis  au  Sacrement  du  Baptesme,  que  celuy  qui  croit  desia:  c'est  tresmal  conclurre.  Car  c'est  chose  notoire,  que  nostre  Seigneur  ne  parle  en  ces  passages  que  de  ceux  qui  sont  capables  d'estre  enseignes  et  qui  au  paravant  n'ont  este  de  l'Eglise  Chrestienne.  Si  nous  n'avons  esgard  a  ceste  circonstance,  nous  confondrons  beaucoup  de  passages,  et  y  serons  confuz  en  les  exposant.  Il  [page  21]  est  dict  que  celuy  qui  ne  travaille  point,  ne  doit  point  manger  (2  Thess.  3,  10).  Nul  n'est  si  cruel  pourtant,  de  condamner  les  petiz  enfans  a  mourir  de  faim.  Car  chacun  voit  bien  que  l'Apostre  ne  les  met  pas  en  ce  rang:  mais  parle  seulement  de  ceux  qui  sont  fors  et  ont  le  moyen.  1)  Puis  donc  qu'en  ces  passages  nostre  Seigneur  faict  speciallement  mention  de  ceux  qu'on  peut  enseigner:  et  qui  au  paravant  n'ont  este  de  ses  disciples,  c'est  tout  depraver  et  pervertir,  de  les  tirer  aux  petiz  enfans  des  Chrestiens,  qui  n'ont  la  capacite  d'ouyr:  et  desia  sont  comprins  en  l'alliance  de  Dieu  faicte  avec  leurs  peres,  pour  estre  domestiques  de  l'Eglise.  Ces  povres  phantastiques  alleguent  puis  apres  l'usage  et  la  practique  des  Apostres.  Il  est  dict  au  second  des  Actes  (v.  37)  que  les  quatre  mille  hommes  de  Ierusalem  apres  avoir  ouy  le  sermon  de  sainct  Pierre,  estans  touches  en  leurs  cueurs  demanderent  conseil  de  ce  qu'ilz  devoyent  faire:  et  que  Pierre  leur  respondit:  Repentez-vous,  et  croyez  a  l'Evangile.  Item,  quand  l'Eunuche  requist  d'estre  baptise,  Philippe  luy  dict,  qu'il  seroit  loisible,  pourveu  qu'il  creust  de  tout  son  cueur  (Act.  8,  37).  De  la  ilz  concluent  que  les  Apostres  ont  requis  foy  et  repentance  aux  hommes,  devant  que  les  baptiser.  Ie  leur  accorde  [page  22]  des  hommes  qu'il  falloit  recevoir  de  nouveau  en  la  communion  de  l'Eglise  Chrestienne:  mais  des  enfans  qui  en  sont  devant  que  sortir  du  ventre  de  la  mere,  ie  dy  qu'il  y  a  bien  autre  raison.  Car  leurs  peres  et  leurs  ancestres  recoyvent  la  promesse  sur  laquelle  le  Baptesme  1)  vires  et  ratio  victus  quaerendi.