58:59  59  QUATRIEME  SERMON  60  traire,  que  les  meschans  auront  un  horrible  conte  a  rendre,  de  ce  qu'ils  gourmandent  ainsi  les  benefices  de  Dieu,  et  qu'ils  iouissent  de  tant  de  biens  qu'il  leur  fait,  et  cependant  qu'ils  ne  l'en  glorifient  point.  Or  il  faudra  que  cela  leur  couste  bien  cher:  et  de  nostre  coste  combien  que  nous  soions  desnuez  de  tous  biens,  que  nous  soions  en  opprobre  et  en  contumelie  :  bref,  qu'il  n'y  ait  que  petitesse  en  nous  :  tant  y  a  que  puisque  nous  savons  que  Dieu  a  la  main  estendue  pour  nous  soustenir,  que  nous  pouvons  nous  glorifier  contre  tous  nos  ennemis.  Et  cependant  qu'il  nous  souvienne  de  ce  qui  est  dit  en  Isaie,  que  nous  sommes  comme  une  couronne  precieuse  en  la  main  de  Dieu,  et  comme  une  bague  qu'il*  tient  en  son  doigt,  et  comme  son  cachet,  et  qu'il  n'y  a  Egypte  ni  Assyrie,  c'est  a  dire  toutes  les  plus  grandes  monarchies  du  monde,  qui  soient  tant  estimees  de  lui,  comme  nous  sommes:  non  pas  pour  valeur  qui  soit  en  nous,  comme  i'ay  dit:  mais  d'autant  qu'il  lui  a  pleu  nous  choisir,  et  de  nous  reserver  au  nombre  de  ceux  qu'il  veut  avoir  a  soy,  et  nous  cognoissons  cela,  d'autant  que  par  Foy,  et  par