56:59  59  GENESE.  60  ne  mettez  point  la  main  sur  luy.  Par  ce  moyen  il  le  vouloit  delivrer  de  leurs  mains,  pour  le  faire  retourner  'a  son  pere.  23.  Et  comme  Ioseph  fut  venu  a  ses  freres,  ils  luy  despouillerent  son  hoqueton,  le  hoqueton  bigarre  qui  estoit  sur  luy:  24.  Et  Papprehenderent,  et  le  ietterent  en  un  puits,  mais  le  puits  estoit  vuide,  auquel  il  n'y  avoit  point  d'eau.  25.  Puis  s'assirent  pour  manger  du  pain:  et  eslevans  leurs  yeux,  regarderent  et  voici  une  compagnie  d'Ismaelites,  qui  venoyent  de  Galaad,  et  leurs  chameaux  qui  portoyent  des  odeurs,  de  la  raisine  et  du  myrrhe,  cheminans  pour  descendre  en  Egypte.  26.  Lors  Iuda  dit  a  ses  freres,  Quel  profit  eera-ce,  si  nous  tuons  nostre  frere  et  cachons  son  sang?  27.  Venez  et  le  vendons  aux  Ismaelites,  et  que  nostre  main  ne  soit  point  contre  luy,  car  c'est  nostre  frere  et  nostre  chair.  Et  ses  freres  luy  obeirent.  28.  Comme  aucuns  Madianites  marchans  passoyent,  ils  retirerent  et  firent  remonter  Ioseph  du  puits,  et  le  vendirent  aux  Ismaelites  ving8  pieces  d'argent:  lesquels  emmenerent  Ioseph  en  Egypte.  29.  Et  Ruben  retourna  au  puits,  et  voici,  Ioseph  n'estoit  plus  au  puits:  lors  il  deschira  ses  vestemens.  30.  Et  retourna  a  ses  freres,  disant,  L'enfant  n'est  point  ici:  et  moy,  moy  ou  iray-ie?  31.  Ils  preinrent  le  hoqueton  de  Ioseph,  et  tuerent  un  chevreau  d'entre  les  chevres,  et  teignirent  la  robbe  au  sang,  et  envoyerent  la  robbe  bigarree.  32.  Et  la  firent  porter  a  leur  pere,  et  dirent,  Nous  l'avons  trouvee:  considere  maintenant  si  c'est  la  robbe  de  ton  fils  ou  non.  33.  Et  il  la  cognut,  et  dit,  C'est  la  robbe  de  mon  fils,  une  mauvaise  beste  l'a  mange,  elle  a  devore  Ioseph.  34.  Iacob  deschira  ses  vestemens,  et  mit  un  sac  entour  ses  reins,  et  se  lamentoit  pour  son  fils  par  plusieurs  iours.  35.  Et  tous  ses  fils  et  toutes  ses  filles  se  mirent  a  le  consoler:  mais  il  ne  voulut  point  se  consoler,  et  dit,  Ie  descendray  lamentant  au  sepulchre  avec  mon  fils.  Ainsi  son  pere  le  pleuroit.  36.  Et  les  Madianites  le  vendirent  en  Egypte  a  Putiphar  Eunuque  de  Pharao,  prevost  des  mareschaux.  Chapitre  XXXVIII.  1.  Il  adveint  qu'en  ce  temps-la  Iuda  descendit  d'avec  ses  freres,  et  parveint  iusques  a��  un  homme  Adujamite,  lequel  avoit  nom  Hira.  2.  Et  Iuda  veit  illec  la  fille  d'un  homme  Chananeen,  laquelle  avoit  nom  Sua:  il  la  preint,  et  entra  a,  elle.  3.  Laquelle  conceut  et  enfanta  un  fils:  et  elle  appela  le  nom  d'iceluy,  Er.  4.  Et  elle  conceut  encore,  et  enfanta  un  fils,  et  elle  appela  son  nom  Onan.  5.  Au  surplus,  elle  enfanta  encore  un  fils,  et  appela  son  nom  Sela.  ,Et  il  estoit  en  Cezib  quand  elle  enfanta  cestuy-ci.  6.  Et  Iuda  preint  femme  pour  Er  son  premier  ne,  laquelle  avoit  nom  Thamar.