54:59  59  SERMON  V  60  nous  avoit  desia  reservez  pour  nous  sauver,  voyant  que  nous  estions  perdus  et  ruinez  en  Adam.  Au  reste,  notons  que  sainct  Paul  ne  parle  ici  que  des  fideles.  Car  il  y  a  des  badins  qui  pour  esblouir  les  yeux  des  ignorans  et  de  leurs  semblables,  voudroyent  ici  caviller,  que  la  grace  de  salut  nous  a  este  donnee,  pource  que  Dieu  a  ordonne  que  son  Fils  soit  Redempteur  du  genre  humain,  mais  que  cela  est  commun  a  tous,  et  indifferent.  Or  sainct  Paul  a  parle  d'une  telle  facon,  qu'on  ne  peut  pas  par  telles  gloses  et  si  pueriles  corrompre  sa  doctrine.  Car  notamment  il  avoit  dit  auparavant,  que  Dieu  nous  a  sauvez.  Cela  se  rapporte-ii  en  general  a  tous,  et  sans  exception?  Nenni:  il  n'est  question  que  des  fideles,  Apres,  sainct  Paul  avoit-il  appele  tout  le  monde?  Les  uns  estoyent  appelez  par  la  predication:  mais  cependant  ils  s'estoyent  rendus  indignes  de  ce  salut  qui  leur  estoit  offert.  Les  voila  donc  reprouvez.  Les  autres,  Dieu  les  avoit  laissez  en  leur  incredulite,  que  iamais  n'avoyent  ouy  anoncer  mot  de  l'Evangile.  Ainsi  donc  sainct  Paul  notamment  et  par  especial  s'addresse  a  ceux  que  Dieu  avoit  choisis  et  reservez  a  soy.  Et  ainsi,  retenons  que  iamais  la  bonte  de  Dieu  n'aura  son  vray  lustre  pour  estre  honoree  comme  elle  merite,  sinon  que  nous  cognoissions  que  Dieu  n'a  point  voulu  que  nous  soyons  demeurez  en  la  perdition  commune  du  genre  humain,  en  laquelle  il  a  laisse  ceux  qui  estoyent  semblables  a  nous,  et  ausquels  nous  ne  differions  en  rien,  comme  n'estans  point  meilleurs  qu'eux:  mais  il  luy  a  semble  bon  ainsi.  Il  faut  donc  que  toute  bouche  soit  ici  close,  que  les  hommes  ne  presument  point  de  se  rien  attribuer:  et  cependant  que  nous  ayons  les  bouches  ouvertes  pour  louer  Dieu,  en  confessant  que  nous  luy  devons  tout  ce  qui  est  de  nostre  salut.  Voila  en  somme  ce  que  nous  avons  a  retenir.  Or  cependant  notons  bien  les  autres  mots  dont  sainct  Paul  use  ici.  Il  est  vray  qu'en  somme  il  entend  ce  que  desia  nous  avons  declare,  d'autant  que  l'election  de  Dieu  ne  nous  seroit  point  profitable,  et  qu'elle  ne  parviendroit  point  iusques  a  nous,  sinon  qu'elle  nous  fust  cognue,  et  que  nous  la  devons  cognoistre  par  le  moyen  de  l'Evangile:  pour  ceste  cause  Dieu  nous  a  voulu  manifester  ce  qu'il  tenoit  comme  secret  en  soy  de  tout  temps.  Mais  il  entrelace  aussi  pour  mieux  exprimer  son  intention,  que  ceste  grace  nous  a  este  maintenant  revelee.  Et  comment?  En  V  apparition  de  nostre  Seigneur  Iesus.  Quand  il  dit  que  ceste  grace  nous  est  revelee  en  l'apparition  de  Iesus  Christ,  il  monstre  (comme  desia  nous  avons  touche)  que  nous  serions  par  trop  ingrats  si  nous  ne  pouvions  avoir  contentement  et  repos  quand  le  Fils  de  Dieu  se  donne  a  nous.  Et  que  demandons-nous  plus?  Quand  nous  pourrions  monter  par  dessus  les  nues,