52:59  59  EPIST.  PAULI  AD  PHILIPPENSES  60  vitam:  sicut  apud  Mosen,  Exod.  32,  32.  Hunc  catalogum  Deus  repositum  apud  se  habet.  Itaque  nihil  aliud  est  liber  quam  aeternum  consilium  in  eius  pectore  definitum.  Pro  eo  dicit  Ezechiel,  Scripturam  domus  Israel,  cap.  13,  9.  Eadem  ratione  Psal.  69,  29,  habetur,  Deleantur  de  libro  viventium,  et  cum  iustis  non  scribantur.  Hoc  est,  non  censeantur  inter  Dei  electos,  quos  ecclesiae  suae  ac  regni  finibus  adscribit.  Si  quis  obiiciat,  temere  igitur  facere  Paulum,  qui  de  arcanis  Dei  ius  sibi  pronuntiandi  usurpet:  respondeo,  nos  ex  signis  utcumque  posse  iudicare,  quibus  electionem  suam  Deus  palam  tacit:  quantum  tamen  fert  captus  noster.  Ergo  in  quibuscumque  relucere  cernimus  adoptionis  notas,  eos  iaterim  habeamus  pro  filiis  Dei,  donec  libri  aperiantur  qui  penitus  omnia  patefaciant.  Solius  quidem  Dei  est  nunc  suos  cognitos  habere,  et  tandem  segregare  agnos  ab  hoedis.  Sed  nostrum  est,  ex  caritate  agnos  iudicare  omnes  qui  pastori  Christo  obedienter  se  subiiciunt,  qui  se  aggregant  in  eius  ovile  et  ibi  constanter  manent.  Nostrum  est  tanti  aestimare  spiritus  sancti  dona,  quae  peculiariter  electis  suis  confert,  ut  sint  nobis  quasi  electionis  abbconditae  sigilla.  4.  Gaudete  in  Domino  semper,  iterum  dico  gaudete,  5.  Moderatio  vestra  nota  sit  omnibus  hominibus.  Dominus  prope  est.  6.  De  nulla  re  sitis  solliciti:  sed  in  omnibus  oratione  et  precatione,  cum  gratiarum  actione}  petitiones  vestrae  innotescant  apud  Deum.  7.  Et  pax  Dei,  quae  exsuperat  omnem  intelligentiam,  custodiet  corda  vestra  et  cogitationes  vestras  in  Christo  Iesu.  8.  Quod  reliquum  est,  fratres,  quaecunque  gravia,  quaecunque  iusta,  quaecunque  pura,  quaecunque  amabilia,  quaecunque  honesta:  si  qua  laus,  haec  cogitate:  9.  quae  et  didicistis,  et  suscepistis,  et  audistis,  et  vidistis  in  met,  haec  facite,  et  Deus  pacis  erit  vobiscum.  4t.  Gaudete  in  Domino.  Exhortatio  est  temporibus  accommodata.  Quoniam  enim  status  piorum  valde  turbatus  erat,  undique  ingruebant  pericula:  fieri  poterat  ut  moerore  vel  impatientia  victi  deficerent.  Ergo  eos  infestis  et  turbulentis  rebus  nihilominus  m  Domino  gaudere  iubet.  Ut  certe  tum  maxime  spirituales  consolationes,  quibus  nos  Dominus  reficit  et  exhilarat,  vim  suam  exserere  debent  quum  totus  mundus  ad  desperationem  nos  sollicitat.  Reputandum  autem  ex  circumstantia  temporis  quam  efficax  fuerit  vox  ista  a  Pauli  ore  emissa,  qui  praecipua  tristitiae  causa  esse  poterat.  Nam  si  persequutionibus  terrentur,  aut  vinculis,  aut  exilio,  aut  morte  :  hic  in  medium  prodit  apostolus,  qui  inter  vincula,  in  medio  ardore  persequutionum,  in  mortis  denique  metu  non  modo  laetus  est,  sed  alios  quoque  exhilarat.  Summa  igitur  est:  Quidquid