51:59  59  SERMONS  60  TRENTEHUITIEME  SERMON.  GALATES.  Chap.  YI  v.  1.2.  Nous  avons  traitte  ci  dessus  qu'il  n'y  a  peste  plus  mortelle  que  l'ambition  quand  chacun  est  addonne  a  soy,  et  qu'il  se  veut  eslever  en  mesprisant  ses  prochains:  car  il  n'y  a  alors  ni  equite  ni  mesure  qui  soit  gardee.  Il  y  a  maintenant  un  autre  vice  qui  est  assez  prochain  a  cestuy-la,  c'est  a  scavoir  quand  nous  cerchons  a  mordre  sur  ceux  qui  ont  failli,  a  fin  de  nous  faire  valoir  en  comparaison  d'eux  :  comme  nous  voyons  que  ce  vice  est  par  trop  commun  au  monde.  Car  il  nous  semble  que  les  vertus  d'autruy  nous  empeschent  que  nous  ne  soyons  en  telle  reputation  comme  nous  voudrions  bien.  Voila  qui  est  cause  qu'un  chacun  espie  son  compagnon  a  fin  de  le  degrader,  en  sorte  qu'il  demeure  la  seul  en  dignite,  et  qu'on  le  prise  et  qu'il  se  face  valoir  par  tel  moyen.  Et  encores  que  cela  n'y  fust  pas  souvent,  il  adviendra  que  sous  ombre  de  zele  nous  aurons  une  rigueur  trop  excessive.  Pour  ceste  cause  8.  Paul  exhorte  ici  les  fideles,  encores  qu'un  homme  ait  failli,  qu'on  tasche  de  le  redresser  avec  humanite.  Or  notamment  il  nous  propose  ici  la  condition  humaine:  car  cela  nous  doit  esmouvoir  a  compassion  quand  nous  regardons  a  la  fragilite  commune  qui  est  en  tous  :  comme  encores  il  touchera  ce  poinct  plus  au  long.  Mais  si  est-ce  que  selon  la  nature  humaine,  desia  il  nons  advertit  que  nous  sommes  infirmes,  a  fin  que  nul  ne  pretende  a  quelque  avancement  plus  grand.  Et  au  reste  il  adiouste  encores  s'il  est  preoccupe,  signifiant  qu'encores  cela  merite  quelque  humanite,  quand  nous  verrons  un  homme  estre  surprins  par  les  astuces  de  Satan:  car  sainct  Paul  n'a  pas  ici  parle  de  ceux  qui  ont  une  malice  enracinee  en  leur  coeur,  qui  sont  pleinement  contempteurs  de  Dieu,  et  profanes,  qui  sont  envenimez  du  tout,  tellement  qu'ils  ne  pourront  pas  alleguer  qu'ils  soyent  tombez  par  inadvertance.  Pourquoy?  Car  ce  sont  bestes  enragees  qui  hurtent  a  leur  escient  a  l'encontre  de  Dieu:  comme  nous  en  voyons  beaucoup  qui  despitent  manifestement  tout  ordre,  et  voudroyent  avoir  mis  confusion  par  tout  le  monde.  Ceux  la  donc  ne  sont  point  comprins  au  reng  de  ceux  dont  parle  ici  sainct  Paul.  Mais  encores  qu'un  homme  craigne  Dieu  et  qu'il  desire  de  s'addonner  a  son  service:  si  est-ce  que  Satan  ayant  ses  filets  tendus,  souventes  fois  nous  surprend  que  nous  n'y  pensons  point.  Voila  donc  comme  nous  sommes  preoccupez  ou  surprins.  Or  sainct  Paul  dit  qu'encores  en  telles  fautes  il  nous  faut  estre  pitoyables  et  supporter  un  tel  homme  avec  esprit  de  douceur.  Or  il  nous  faut  bien  noter  tous  les  mots  qui  sont  ici  couchez:  car  alors