49:59  59  EPIST.  PAULI  AD  ROMANOS  60  et  Abraham  post  tricesimum  vocationis  suae  annum,  tametsi  rarum  sanctitatis  exemplar  fuerit,  non  habet  opera  quibus  glorietur  apud  Deum:  atque  ideo,  quod  promissioni  credit,  illi  imputatur  in  iustitiam.  Et  quum  Paulus  tradit,  Deum  homines  iustificare  peccata  non  imputando,  concionem  recitat,  quae  quotidie  in  ecclesia  repetenda  est.  Et  illa  pax  conscientiae,  quae  operum  respectu  turbatur,  non  unius  est  diei,  sed  in  totam  vitam  durare  debet:  unde  sequitur,  non  aliter  nos  esse  iustos  usque  ad  mortem,  nisi  quia  in  solum  Christum  respicimus,  in  quo  nos  Deus  adoptavit,  et  nunc  acceptos  habet.  Hinc  quoque  refellitur  eorum  cavillum,  qui  falsi  nos  insimulant,  quia  ex  scriptura  haberi  asserimus  nos  sola  fide  iustificari,  quum  particula  exclusiva  nullibi  in  scriptura  exstet.  Atqui  si  et  sine  lege,  et  extra  nos  est  iustificatio:  cur  non  solius  misericordiae  censebitur?  Si  solius  misericordiae  est:  ergo  solius  fidei.  Particula  nunc  simpliciter  adversative  potest  accipi,  ut  ad  tempus  non  referatur:  quemadmodum  saepe  dicimus  iam  pro  atqui.  Si  ad  tempus  referre  mavis  (quod  libenter  recipio,  ne  effugium  captare  videatur),  non  tamen  sola  caeremoniarum  abrogatio  intelligenda  erit:  quia  tantum  propositum  fuit  apostolo,  comparatione  illustrare  gratiam,  qua  supra  patres  excellimus.  Itaque  sensus  erit,  evangelii  praedicatione,  post  Christum  in  carne  exhibitum,  revelatam  fuisse  iustitiam  fidei.  Unde  tamen  non  sequitur,  ante  Christi  adventum  latuisse.  Duplex  enim  manifestatio  hic  consideranda  est:  prior  veteris  testamenti,  quae  verbo  et  sacramentis  constabat:  altera  novi,  quae  praeter  caeremonias  et  promissiones  complementum  in  Christo  continet  :  cui  etiam  accedit  plenior  claritas  per  evangelium.  Testimonio  comprobata.  Hoc  addit  ne  videatur  in  dispensatione  gratuitae  iustitiae  cum  lege  pugnare  evangelium.  Quemadmodum  ergo  negavit,  indigere  legis  subsidio  fidei  iustitiam:  ita  nunc  confirmari  eius  testimonio  asserit.  Quod  si  lex  gratuitae  iustitiae  testimonium  reddit:  apparet  non  ideo  traditam  esse,  ut  homines  doceret  sibi  per  opera  iustitiam  comparare.  Pervertunt  ergo  eam  qui  in  eiusmodo  finem  detorquent.  Porro  si  probationem  huius  sententiae  desideras,  persequere  ordine  summam  doctrinae  mosaicae:  et  reperies,  initio  hominem  regno  Dei  deiectum,  non  aliam  habuisse  restitutionem  quam  in  evangelicis  promissionibus  de  semine  benedicto,  quo  praedicitur  conterendum  caput  serpentis,  in  quo  denuntiatur  benedictio  gentibus.  Reperies  in  praeceptis  tuae  iniquitatis  demonstrationem  :  ex  sacrificiis  et  oblationibus,  satisfactionem  et  purgationem  disces  esse  in  solo  Christo.  Ad  prophetas  si  veneris,  reperies  luculentissimas  gratuitae  misericordiae  promissiones,  de  qua  re  vide  Institutionem  nostram.  Iustitia,  inquam,  Dei.  Paucis  verbis  ostendit