45:59  59  HARMONIA  EVANGELICA.  60  usitatum  est,  plures  numero  esse  in  naturali  generatione  quam  legali.  Huc  etiam  accedit  quod  Matthaeus,  quum  in  tres  classes  distribuere  vellet  Christi  genealogiam,  et  singulis  classibus  attribuere  quatuordecim  capita,  liberum  sibi  fecit  quorundam  nomina  praeterire,  quae  Lucas  omittere  non  debuit,  quum  se  ad  legem  illam  non  adstringeret.  Hactenus  de  Christi  genealogia  disserui,  quatenus  ad  summam  utile  esse  visum  est.  Si  quem  titillat  maior  curiositas,  ego  paulinae  admonitionis  memor  sobrietatem  et  modestiam  frivolis  et  nihili  argutiis  praefero.  Notus  est  locus  ad  Tit.  cap.  3,  9,  ubi  nos  vetat  de  genealogiis  nimis  anxie  disputare.  Nunc  postremo  tractandum  restat,  cur  tribus  ordinibus  complexus  sit  Matthaeus  totam  Christi  genealogiam,  et  singulis  denos  quaternos  homines  attribuent.  Quibus  videtur  hoc  fecisse,  ut  lectorum  memoriae  consuleret,  neque  totum  dicunt,  neque  nihil.  Est  quidem  istud  verum,  facilius  memoriae  haerere  catalogum  in  tribus  paribus  numeris  propositum  :  simul  tamen  constat,  triplicem  populi  statum  hic  diserte  notari,  ex  quo  promissus  fuerat  Christus  Abrahae  usque  ad  tempus  plenitudinis,  quo  patefactus  in  carne  fuit.  Quamvis  enim  usque  ad  Davidem  tribus  Iuda  honore  reliquas  excelleret,  nullum  tamen  principatum  tenuit.  In  Davide  praeter  spem  omnium  emersit  regia  maiestas,  quae  stetit  usque  ad  Iechoniam.  Ab  eo  tempore  superfuit  in  tribu  Iuda  aliqua  dignitas  et  gubernatio,  quae  usque  ad  Messiae  adventum  erectas  teneret  piorum  mentes.  1.  Liber  generationis.  Frustra  in  hoo  titulo  laborant  quidam  interpretes,  ut  excusent,  quod  totam  historiam  Matthaeus  a  dimidia  parte  unius  capitis  denominet*  Neque  enim  haec  epigraphe  ad  totum  librum  extenditur,  sed  libri  nomen  positum  est  pro  catalogo,  ac  si  dictum  esset,  Sequitur  catalogus  generationis  Christi.  Porro  Christum  vocat  filium  Abrahae  et  Davidis,  promissionum  respectu:  quia  Deus  semen  ex  Abraham  oriturum  promiserat,  in  quo  se  benedicerent  omnes  gentes  (Gen.  12,  3).  Davidi  autem  clarior  data  fuerat  promissio,  fore  ut  regnum  domi  eius  stabile  maneret  usque  ad  finem  saeculi:  et  rex  ex  eius  progenie  sederet  in  solio,  donec  sol  et  luna  in  coelo  fulgerent  (Psal.  72,  5.  7  et  89,  29).  Quare  vulgaris  loquendi  usus  inter  Iudaeos  obtinuerat,  ut  Christum  dicerent  filium  Davidis.  2.  Iacob  genuit  Iudam  et  fratres.  Quum  Matthaeus  Ismael  Abrahae  primogenitum  silentio  tegat,  et  Esau  (qui  naturae  ordine  superior  erat  fratre  suo  Iacob),  non  temere  duodecim  patriarchis  locum  in  genealogia  assignat,  quum  omnes  Deus  simili  adoptionis  gratia  dignatus  esset.  Significat  ergo,  benedictionem  in  Christo  promissam  non  ad  solam  tribum  Iuda  spectare,  sed  communem  esse  omnibus