44:59  59  IN  SOPHONIAM  60  hoc  est  coacervare  in  unum  cumulum  gentes  omnes,  congregare  regna,  sic  ut  nullus  angulus  terrae  manum  meam  evadat.  Loquitur  autem  de  omnibus  gentibus  et  regnis,  ut  intelligant  Iudaei  posthac  non  posse  suum  iudicium  differri:  quia  si  fieret  comparatio  inter  ipsos  et  profanas  gentes,  quemadmodum  scribitur,  iudicium  solet  incipere  a  domo  Dei:  deinde  minus  erant  excusabiles  quam  increduli,  quos  mirum  non  erat  errare  in  tenebris,  quia  carebant  omni  luce  doctrinae.  Deus  ergo  minatur  gentibus  et  regnis,  ut  sciant  Iudaei  gravissimam  poenam  instare  suis  capitibus,  quia  alios  omnes  vincerent  malitia  et  sceleribus.  Postea  adiungit:  9.  Certe  tunc  convertam  ad  populos  labium  puruniy  ut  invocent  omnes  nomen  Iehovae,  ut  serviant  ei  humero  uno.  Iam  propheta  mitigat  doctrinae  illius  asperitatem,  quae  poterat  supra  modum  terrere  pios:  imo  prorsus  exanimes  reddere,  nisi  adhibitum  fuisset  aliquod  solatium.  Deus  ergo  hic  temperat  quod  prius  minatus  est.  Nam  si  hoc  tantum  dixisset  per  prophetam,  Mihi  decretum  est  colligere  gentes  omnes,  et  ita  vorabitur  omnis  terra  igne  indignationis:  quid  colligere  poterant  fideles,  nisi  se  quoque  perituros  cum  orbe  reliquo?  Necesse  igitur  fuit  doctrinam  spei  adiungi,  qualem  hic  legimus.  Interea  notandum  est  quod  alibi  admonui,  prophetas  nunc  sermonem  suum  dirigere  ad  solos  fideles,  qui  pauci  tunc  erant  numero:  nunc  vero  alloqui  promiscuum  vulgus:  et  ita  dum  noster  minatur,  respicere  ad  totum  corpus  populi:  ubi  autem  gratiam  Dei  in  medium  profert,  perinde  est  ac  si  oculos  reflecteret  ad  solos  fideles,  et  colligeret  eos  in  aliquam  partem.  Exempli  gratia,  si  in  populo  uno  pauci  recte  sapiant,  tota  autem  multitudo  conspiret  in  suam  perniciem,  qui  concionem  habere  volet,  discernet  inter  illam  ingentem  turbam  et  inter  paucos.  Obiurgabit  ergo  severe  quia  ita  desipiunt  et  vivunt  in  malum  suum.  Postea  aliter  formabit  sermonem  suum  apud  eos  quibuscum  non  tantum  est  negotii.  Sic  etiam  Dominus  sermonem  suum  mutat:  quia  nunc  compellat  impios,  deinde  postea  seBe  confert  ad  electos,  qui  adhuc  residui  erant.  Sic  hactenus  concionatus  est  propheta  obiurgando  et  minando:  quia  sermo  ad  totum  populi  corpus  erat:  nunc  autem  reliquias,  quemadmodum  dixi,  colligit  quasi  seorsum,  et  proponit  illis  spem  veniae  et  salutis.  Dicit  igitur,  Tunc  tamen  (nam  >D  adversative  accipio)  et  tamen  tunc  vertam  ad  populos  labium  purum.  Significat  Deus  gratiam  suam  latius  propagatum  iri,  ubi  ita  terram  purgaverit:  quia  non  tantum  coletur  in  Iudaea,  -sed  apud  extraneos,  imo  apud  gentes  remotissimas.  Poterat  enim  obiici,  Ergone  vult  Deus  exstinguere  nomen