42:59  59  SERMON  XXXVIII.  60  de  paix,  sous  couleur  d'union,  et  autres  choses  semblables,  il  est  certain  qu'il  y  aura  beaucoup  de  gens  desbauches,  et  puis  il  nous  faut  regarder  quel  estoit  ce  temps  la,  c'est  a  scavoir  tel  que  nous  le  voions  auiourd'huy,  il  est  vray  qu'il  y  avoit  de  plus  grandes  tentations  et  plus  dangereuses  pour  les  fideles,  que  nous  n'avons  point  veu  de  nostre  temps,  il  y  avoit  des  apostats,  comme  desia  nous  avons  dit,  qui  ne  demandoient  sinon  a  ruiner  tout,  voire  et  ceux  qui  avoient  fait  une  telle  bresche  en  l'eglise,  n'estoient  point  du  commun  populaire,  mais  des  sacrificateurs  mesmes,  ii  y  en  ha  auiourd'huy  beaucoup  qui  ont  divertis  et  qui  sont  encores,  qu'il  ne  faut  qu'une  mousche  leur  voller  a  travers  des  yeux,  les  voila  tellement  effarouches  qu'ils  perdent  courage.  O  voila  ie  serois  bien  aise  de  vivre  en  une  Eglise  Chrestienne,  mais  i'y  voy  tant  de  choses  que  cela  me  fasche,  voila  il  ne  leur  faut  qu'un  festu  qu'ils  rencontrent  en  leur  chemin  pour  leur  rompre  le  col.  O  voila  ie  ne  saurois  passer  plus  outre,  et  comment  il  n'y  ha  qu'un  festu,  qu'ils  marchent  dessus,  et  qui  est  cause  d'une  telle  laschete,  et  qu'ils  perdent  si  tost  courage?  c'est  pource  que  connoissant  une  telle  infirmite  qui  est  en  eux,  ils  ne  demandent  pas  a  Dieu  qu'il  y  remedie,  il  y  en  ha  d'autres  qui  auront  bien  iette  du  commencement  un  grand  feu,  qu'il  leur  semble  qu'ils  doivent  tout  devorer,  et  incontinent  on  ies  void  refroidis,  ils  retirent  leurs  espingles  du  ieu,  et  ne  font  nulle  difficulte  d'abandonner  Dieu,  pour  dire,  o  voila  ie  m'estois  trop  avance,  il  vaut  mieux  que  ie  laisse  aller  les  choses,  si  Dieu  veut  faire  quelque  bonne  reformation  qu'il  la  face,  quant  a  moy  ie  suis  personne  privee,  ie  ni  puis  pas  mettre  ordre  tout  seul,  il  faut  donc  que  ie  laisse  couler  tout  cela,  qui  est  cause  d'une  telle  laschete,  sinon  qu'ils  se  flatent  eux  mesmes  en  leur  infirmite,  et  sont  contans  d'y  demourer  et  de  s'y  endormir.  Or  ceux  la  ne  voient  pas  encores  de  telles  tentations,  et  si  dangereuses  que  les  fideles  desquels  ii  est  ici  parle,  Voila  le  grand  sacrificateur,  qui  estoit  la  figure  et  l'image  de  nostre  Seigneur  Iesus  Christ.  Dieu  appeloit  ses  sacrificateurs  la  ses  anges,  ses  messagers,  il  estoient  ordonnes  pour  le  salut  du  peuple,  comme  s'ils  l'eussent  eux-mesmes  porte  iusques  en  paradis,  et  toutesfois  ce  sont  ceux  qui  ont  prophane  toute  la  religion,  et  ce  n'estoient  point  des  petits  sacrificateurs,  comme  nous  voions  beaucoup  de  ceux  qui  se  ingerent  d'annoncer  la  parole  de  Dieu  et  cependant  ne  seront  que  meschans  et  mal-heureux,  qui  ne  scauront  que  c'est  de  Dieu,  qu'il  n'y  aura  foy  ni  loiaute  en  eux,  non  plus  qu'en  des  chiens,  mais  quoy?  Ce  ne  sont  que  des  canailles,  mais  il  est  ici  question  des  grands  sacrificateurs,  il  n'y  en  avoit  qu'un  seul  au  monde  et  toutesfois  ce  sacrificateur  la  vient  mettre  de  tels  troubles  en  l'Eglise,  que