40:59  59  PRAELECTIONES  60  meum  in  coelo,  ideo  hoc  ita  quidam  torquent  quasi  tunc  primum  coepisset  esse  arcus.  Sed  minime  dubium  est  quin  Deus  voluerit  insculpere  gratiae  suae  testimonium  in  re  minime  consentanea,  quemadmodum  libere  utitur  pro  suo  arbitrio  omnibus  creaturis.  Arcus  coelestis  signum  est  saepe  diuturnae  pluviae,  et  videtur  quodammodo  attrahere  pluviam.  Quum  ergo  possit  terrorem  incutere  adspectus  ille,  Deus  ex  opposito  dicit,  quoties  apparet  arcus,  certo  statuendum  esse  terram  esse  nunc  tutam  a  diluvio.  Caeterum,  quod  quidam  ad  hunc  locum  trahunt  gratiae  testimonium,  mihi  non  probatur:  repugnat  enim  tota  visio.  Est  quidem  hoc  plausibile,  arcum  apparuisse,  quia  Deus  iam  volebat  se  ostendere  propitium  servo  suo,  quemadmodum  etiam  sic  locum  interpretantur  ex  quarto  capite  Apocalypseos,  quod  Ioannes  viderit  circumdatum  Dei  solium  arcu  illo,  nempe  quia  Deus  reconciliatus  mundo  erat  per  Christum.  Quantum  attinet  ad  locum  illum,  non  disputo:  sed  idem  nunc  dicere  prosus  alienum  esset,  quia  tota  haec  visio  fuit  formidabilis,  ut  dictum  fuit  ab  initio.  Sic  ergo  miscere  res  contrarias,  esset  totum  ordinem  visionis  pervertere.  Quorsum  igitur  hic  fit  mentio  arcus  coelestis?  diximus  apparuisse  prophetae  coelum  ut  paulatim  conscenderet  ad  reputandam  Dei  gloriam,  quia  in  coelo  insigniores  sunt  deitatis  notae  quam  in  terra.  Nam  si  quae  ante  nos  exposita  sunt  respicimus,  Deus  quidem  nusquam  est  a[xapxupoc,  quemadmodum  dicit  Paulus  cap.  14  Actor.  (v.  17),  sed  interea  clarius  refulget  eius  maiestas  in  coelis.  Ubi  autem  arcus  apparet,  accedit  etiam  nova  ratio  amplificandae  Dei  gloriae.  Nam  in  arcu  habemus  magis  expressam  Dei  effigiem,  dum  reputamus  quam  magnificum  sit  opificium  coeli,  et  dum  circumferimus  oculos  per  omnes  stellas  et  planetas.  Deus  quidem  illic,  fateor,  cogit  nos  admirari  suam  gloriam:  sed  arcus  habet  aliquam  accessionem  non  spernendam,  ac  si  Deus  adderet  aliquid  ad  nudum  coeli  adspectum.  Nunc  ergo  tenemus  cur  propheta  viderit  arcum  coelestem,  nempe  ut  magis  ac  magis  afficeretur,  quum  Deus  tam  insignes  notas  obiiceret  eius  oculis,  quae  ipsum  deducerent  ad  considerandam  eius  gloriam.  Ergo  quod  de  symbolo  reconciliationis  adducunt  interpretes,  prorsus  est  intempestivum.  Vidi  ergo  speciem  arcus,  inquit,  qui  fit  vel  qui  est  in  nube  in  die  pluviae.  Si  quis  roget  an  colores  illi  sint  sine  substantia,  certum  est  ex  radiis  solis  fieri  colores  illos  in  nube  cava,  quemadmodum  tradunt  philosophi.  Ergo  quum  propheta  arcum  fieri  dicit  in  die  pluviae,  simpliciter  intelligit  exsistere,  vel  prodire  in  medium,  non  quod  colores  illi  habeant  substantiam,  quemadmodum  iam  dixi:  sed  radii  solis  dum  ita  reflectuntur  inter  se  in  nube  cava,  reddunt  tam  multiplicem  varietatem.  Postea  addit  rursum  tanquam  adspectum  splendoris  in  circuitu.