39:59  59  PRAELECTIONES  60  nuper:  ponit  beneficentiam,  quia  haec  fuit  causa  prosperitatis:  deinde  pacem  subiicit  id  est  prosperitatem,  pro  effectu.  Postea  sequitur^  10.  Sic  dicit  Iehovah,  Adhuc  audietur  in  loco  hoc,  de  quo  vos  dicitis.  Exterminatus  est  (vel  traditus  exitio)  ab  homine  (hoc  est,  ut  non  supersit  homo),  neque  supersit  iumentum  in  urbibus  Iehudah,  et  in  compitis  Ierusalem,  quae  in  solitudinem  redacta  sunt,  ut  non  sit  homo,  et  non  sit  habitator,  et  non  sit  animal  (vel  iumentum),  11.  Vox  laetitiae  et  vox  gaudii,  vox  sponsi  et  vox  sponsae,  vox  dicentium  Celebrate  Iehovam  exercituum,  quia  bonus  Iehovah,  quia  in  saeculum  misericordia  (vel  clementia)  eius  (clementia  proprie),  asserentium  laudem  (hoc  est  testimonium  gratiarum  actionis,  pro  sacrificio  hic  capitur)  in  domum  Iehovae,  quia  reducam  captivitatem  terrae  sicut  ab  initio,  dicit  Iehovah.  Duo  versus  simul  cohaerent:  et  perperam  fuerunt  divisi.  Nam  nullum  est  verbum  :  est  in  primo,  Adhuc  audietur,  quid?  sequitur  postea,  vox  laetitiae  et  vox  gaudii.  Pluribus  verbis  confirmat  Ieremias  quod  docuit  de  populi  reditu,  quia  multis  et  firmis  fulturis  opus  fuit,  ut  fideles  pergerent  in  cursu  fiduciae.  Difficile  enim  ipsis  erat,  colligere  animos  in  tanta  calamitate:  deinde  etiamsi  ad  breve  tempus  respirassent,  novae  subinde  tentationes  poterant  rursus  eorum  animos  deiicere  et  prosternere.  Non  mirum  igitur  est  quod  propheta  hic  prolixe  commendat  gratiam  illam  quae  fere  erat  incredibilis:  deinde  quia  eius  memoria  non  poterat  semper  vigere  in  cordibus  fidelium,  nisi  addita  fuisset  talis  confirmatio.  Iterum  inducit  Deum  loquentem,  quo  plus  efficaciae  habeat  promissio:  Adhuc  audietur,  inquit,  in  hoc  loco,  nempe  in  urbibus  Iehudah,  et  compitis  Ierusalem  vox  laetitiae.  Repetit  quod  heri  vidimus,  nempe  Iudaeos  quantum  in  se  erat,  obstaculum  ponere,  no  Deus  ipsos  reduceret.  Scimus  enim  cordium  nostrorum  angustias  quodammodo  praecludere  accessum  gratiae  Dei:  quia  incredulitate  referti,  imo  turgidi,  non  patimur  Dei  gratiam  ad  nos  usque  penetrare.  Sic  Iudaei  quum  animos  desponderent,  et  imaginarentur  cladem  suam  esse  incurabilem,  nec  sperandum  esse  ullum  remedium,  quantum  in  se  erat  procul  reiiciebant  gratiam  liberationis.  Hoc  igitur  exprobrat  iterum  illis  propheta  quod  scilicet  dicant  totam  regionem  cum  suis  urbibus  esse  perditam,  ut  non  supersit  vel  homo,  vel  iumentum.  Hoc  quidem  verum  fuit  ad  tempus,  et  vere  loquuti  fuissent  Iudaei:  sed  heri  dictum  fuit  impios  nunquam  sentire  Dei  flagella,  quin  praecipites  in  desperationem  ruant.  Talis  igitur  sermo  reprehenditur  quod  scilicet  Iudaei  putaverint  sibi  pereundum  esse  absque  ulla  spe  salutis.  Ergo  propheta  hic  obiurgat  eorum  incredulitatem:  et  simul  hortatur