35:59  59  SERMON  CXXIII  60  confesser  maugre  qu'il  en  ait,  ce  qu'il  ne  voudroit  pas.  Iob  'donc  avoit  use  de  ceste  comparaison,  disant  que  Dieu  ne  lui  donnoit  plus  nul  moyen  de  maintenir  sa  querelle,  combien  qu'elle  fust  bonne.  Or  il  est  vrai  que  Iob  cependant  avoit  cela  en  soi  que  Dieu  savoit  bien  la  raison  pourquoi  il  l'assiegeoit:  mais  tant  y  a,  qu'il  n'a  pas  laisse  de  s'esbahir,  et  se  despiter  en  son  mal,  comme  si  Dieu  le  pressoit  par  trop.  Si  on  lui  eust  demande,  L'entens-tu  ainsi?  Ii  eust  respondu,  Non,  il  se  fust  retracte  incontinent:  mais  tant  y  a  qu'il  a  eu  ses  passions  vehementes,  lesquelles  Pont  pieque  en  sorte,  qu'il  lui  est  eschappe  ce  mot  sans  y  avoir  pense.  Or  si  Dieu  a  redargue  si  asprement  un  propos  que  Iob  avoit  tenu  a  la  volee  et  par  inadvertance:  que  sera-ce  quand  nous  serons  obstinez  et  endurcis,  et  que  nous  n'aurons  point  dit  seulement  un  mot  sans  y  penser,  mais  que  nous  l'aurons  premedite  de  longue  main,  et  que  nous  serons  opiniastres?  voire  la  ou  Dieu  nous  admonneste  mesmes,  et  nous  monstre  que  nous  avons  failli  :  si  nous  ne  voulons  point  recevoir  les  advertissemens  qu'il  nous  donne,  mais  suivons  tousiours  nos  sens  et  phantasies  naturelles  (ie  vous  prie)  ceste  rebellion-la  ne  sera-elle  point  pour  nous  condamner  cent  fois  autant,  comme  a  este  ceste  inadvertance  qui  estoit  en  Iob?  Et  ceci  est  bien  digne  d'estre  note,  Que  quand  nous  pensons  a  la  puissance  de  Dieu,  il  ne  faut  pas  que  nous  lui  attribuons  une  puissance  tyrannique  pour  dire,  O  voila,  Dieu  fera  de  nous  tout  ce  qu'il  voudra,  nous  sommes  ses  creatures:  il  voit  bien  qu'il  n'y  a  que  fragilite  en  nous,  et  cependant  il  ne  laisse  pas  de  nous  tormenter  sans  propos.  Quand  nous  parlons  ainsi,  il  n'y  a  point  seulement  de  l'excez,  mais  ce  sont  des  blasphemes  execrables.  Et  pourtant  conioignons  la  iustice  de  Dieu  avec  sa  vertu  et  puissance.  Il  est  vrai  que  la  vertu  de  Dieu  m'est  espouvantable,  m'en  voila  tout  trouble  :  mais  si  est-ce  que  mon  Dieu  ne  laisse  point  d'estre  iuste:  c'est  avec  iustice  qu'il  fait  toutes  choses.  Voila  donc  ce  que  nous  avons  a  retenir  de  ce  passage.  Que  quand  nous  serons  estonnez,  que  nous  sentirons  des  tormens  si  horribles  que  nous  n'en  pourrons  plus:  si  ne  faut-il  pas  pourtant  que  nous  disions  que  Dieu  soit  exessif  en  nous  affligeant,  ne  qu'il  vueille  monstrer  ce  qu'il  peut  faire:  gardons-nous  de  cela  :  car  que  seroit-ce  ?  Cognoissons  mesmes  aux  plus  grandes  extremitez  que  nous  puissions  sentir,  que  Dieu  nous  supporte,  et  qu'il  adoucist  sa  vertu  tellement  que  nous  n'en  soyons  point  consumez  du  premier  coup.  Et  cependant  cognoissons,  combien  que  les  afflictions  soyent  dures  de  nostre  coste,  et  qu'elles  nous  soyent  si  pesantes  que  nous  n'en  puissions  plus,  que  neantmoins  Dieu  ne  laisse  point  d'estre  iuste.  Voila  encores  ce  que  nous  avons  a  retenir  de  ce  passage.  Et  si  Dieu