33:59  59  SERMON  IV  60  et  qu'ils  font  ce  que  Dieu  leur  a  commande,  ils  ont  ce  naturel-la  de  se  renger  a  lui,  ils  n'ont  autre  inclination  que  de  lui  obeyr,  et  aussi  il  habite  et  regne  en  eux  par  son  S.  Esprit.  Voila  pourquoy  nous  disons,  Ta  volonte  soit  faite  en  la  terre  comme  au  ciel:  voyans  qu'ici  bas  il  y  a  tant  de  contradictions,  il  y  a  des  rebellions  horribles  contre  Dieu,  nous  luy  demandons  qu'il  ait  ici  son  regne  paisible,  comme  la  haut,  la  ou  ses  Anges  lui  sont  du  tout  obeissans.  Mais  les  diables  obeissent  a  Dieu,  comme  forcaires,  c'est  a  dire,  non  point  de  leur  bon  gre,  mais  d'autant  que  Dieu  les  y  contraint:  ils  voudroyent  bien  resister  a  sa  vertu,  et  l'opprimer  s'ils  pouvoyent,  mais  il  faut  qu'ils  suivent  par  tout  la  ou  il  les  veut  mener.  Et  voila  pourquoy  notamment  les  Anges  sont  appellez  (en  ce  passage)  Enfans  de  Dieu,  et  le  diable  a  son  titre  d'adversaire  :  car  Satan  signifie  cela  en  Hebrieu.  Il  est  vrai  que  les  hommes  seront  bien  quelquefois  intitulez  Enfans  de  Dieu,  a  cause  qu'il  a  imprime  son  image  en  eux,  sur  tout  les  fideles,  d'autant  qu'ils  sont  reformez  a  la  semblance  de  nostre  Seigneur  Iesus  Christ,  qui  est  l'image  vive  de  Dieu  son  Pere,  et  qu'aussi  ils  ont  receu  l'Esprit  d'adoption,  qui  leur  est  un  gage,  que  Dieu  leur  porte  un  amour  paternel.  Nous  serons  bien  donc  appelez  enfans  de  Dieu.  Autant  en  est-il  des  Princes  et  Magistrats:  car  ils  ont  ce  titre  honorable,  qui  leur  est  attribue,  d'autant  que  Dieu  les  a  magnifiez,  et  qu'il  les  a  constituez  en  ce  degre-la,  afin  qu'il  soit  cognu  en  leurs  personnes.  Voila  donc  comme  le  nom  d'enfans  de  Dieu  sera  bien  applique  aux  hommes:  mais  les  Anges  sont  ainsi  appellez  en  l'Escriture,  d'autant  qu'ils  approchent  de  Dieu,  et  qu'ils  sont  comme  rayons  de  sa  clarte:  et  de  fait,  puis  que  Dieu  les  nomme  Principautez,  et  Vertus,  et  Hautesses,  c'est  bien  raison  aussi  que  nous  recognoissions  qu'ils  sont  comme  fils  de  Dieu,  d'autant  qu'il  ne  faut  point  separer  la  vertu  qui  est  en  eux,  d'avec  celle  de  Dieu,  mais  ce  sont  ruisseaux  qui  decoulent  de  ceste  fontaine,  et  source  :  et  nous  faut  tousiours  venir  la.  Cognoissons  donc  que  cest  honneur  appartient  aux  Anges  d'estre  tenus  et  reputez  enfans  de  Dieu,  pource  que  sa  gloire  se  monstre  et  se  declare  en  eux.  Et  d'autant  plus  sommes  nous  tenus  a  la  bonte  infinie  de  nostre  Dieu,  lequel  les  a  constituez  nos  serviteurs  par  le  moyen  de  nostre  Seigneur  Iesus  Christ.  Tout  ainsi  que  le  Seigneur  Iesus,  qui  est  Fils  unique  de  Dieu  son  Pere,  voire  et  naturel  (car  ce  n'a  point  este  de  grace  qui  luy  soit  survenue,  que  cest  honneur  luy  appartient,  mais  il  est  Fils  naturel,  et  pour  ceste  cause  il  est  unique)  tout  ainsi  donc  que  nostre  Seigneur  Iesus  Christ  n'-a  point  este  espargne  pour  nostre  redemption  et  salut,  aussi  par  son  moyen  les  Anges,  qui  sont  enfans  de  Dieu  sont  constituez  a  nostre  service,  comme  l'Apostre