32:59  59  PSALMUS  CII.  60  6.  Oculi  mei  ad  veraces  terrae,  ut  habitent  mecum:  ambulans  in  via  integra,  hic  ministrabit  mihi.  7.  Non  habitabit  in  medio  domus  meae  faciens  fraudem:  loquens  fallacias  non  statuetur  coram  oculis  meis.  8.  In  matutinis  perdam  omnes  impios  terrae,  ad  exterminandum  ex  urbe  Iehovae  omnes  operarios  iniquitatis.  6.  (Oculi  mei.)  Ponit  aliam  virtutem  cordati  principis,  sibi  fore  curae  dicens,  ut  familiares  sibi  reddat  veraces  terrae,  eorumque  utatur  opera,  et  ut  integros  habeat  ministros.  Quidam  generaliter  accipiunt  hanc  particulam  ut  mecum  habitent,  hoc  sensu,  Non  negligam  bonos  .et  innoxios:  neque  patiar  iniuste  'vexari,  sed  faciam  ut  tranquillo  statu  mecum  fruantur.  Sed  potius  significat  sibi  delectum  fore,  ne  promiscue  assumat  hos  vel  illos,  sed  prudenter,  qualis  sit  quisque,  discernat,  ut  coniunctissimus  sibi  habeat  qui  integre  vivunt,  eosque  publicis  muneribus  praeficiat.  Ac  veraces  primo  loco  ponit:  quia  etiamsi  quis  virtutibus  excellat,  nisi  tamen  fidei  et  integritati  sit  deditus,  nunquam  recte  in  iudiciis  versabitur.  Hoc  autem  notatu  dignum  est,  quia  licet  optimus  sit  princeps,  nisi  tamen  respondeant  ministri,  eius  innocentia  vix  ad  subditos  perveniet.  Nam  quum  ministri  sint  principum  manus,  quidquid  ille  statuerit,  scelerate  pervertent  si  avari  sint,  vel  fraudulenti,  vel  rapaces,  quod  plus  satis  experientia  notum  est.  Maior  quidem  pars  regum,  praeteritis  bonis  et  integris,  imo  procul  valere  iussis  ,  data  opera  ministros  appetunt  sui  similes,  et  ad  tyrannidem  suam  appositos:  sed  in  bonis  et  moderatis  haec  quoque  mollities  apparet,  ut  pessimis  consiliis  regantur,  et  publica  munera  inconsiderate  prostituant.  7.  (Non  habitabit.)  Potest  hic  versus  tam  de  aulicis  omnibus  qui  publica  iudicia  exercent  exponi,  quam  de  ministris  domesticis.  Sed  quum  nuper  in  genere  de  omnibus  officiariis  loquutus  sit,  videtur  nunc  sermonem  proprie  habere  de  cohorte  regia.  Nam  hinc  omnes  corruptelae:  si  primarii  regum  amici,  et  alii  familiares  qui  eorum  aures  occupant,  fallaces  sint  ac  dolosi,  suo  exemplo  quasi  signum  licentiae  attollent.  Et  fieri  non  potest  ut  qui  domum  suam  temperanter  non  continet,  tenendis  populi  gubernaculis  sufficiat.  Vilescit  enim  in  publico  autoritas  quae  ne  domi  quidem  gradum  suum  tenere  potest.  8.  (In  matutinis.)  Tandem  concludit  praecipuam  curam  se  adhibiturum  ut  terram  purget  improbis  et  sceleratis  hominibus.  Dicit  autem  mane,  quia  si  resides  sint  ac  lenti  principes,  non  satis  tempestive  occurrent  sanandis  malis.  Principiis  ergo  obstandum:  modo  ne  iracundiae  indulgeat  iudex,  vel  se  inconsiderate  praecipitet.  Plurali  etiam  numero  notatur  continua  strenuitas:  quia  non  satis  esset  iudicem  semel  atque  iterum  poenas  de  improbis  severe  et  acriter  exigere,  nisi  in  hanc  curam