31:59  59  PSALMUS  IV.  60  sibi  enim  probe  conscius  erat,  nihil  se  nisi  ex  Dei  vocatione  et  mandato  tentasse:  ideoque  non  temere  iuris  sui  patronum  advocat.  Hinc  colligimus,  Davidem,  quo  alacrius  toti  mundo  Deum  opponeret,  hoc  elogio  ipsum  ornasse.  Quod  bis  audiri  postulat,  in  eo  nobis  et  doloris  vehementia,  et  precandi  ardor  exprimitur.  Secundo  etiam  loco  ostendit  unde  impetrandi  fiduciam  concipiat,  nempe  ex  Dei  misericordia.  Et  certe  quoties  aliquid  petimus,  hinc  initium  facere  convenit,  ut  Dominus  pro  gratuita  sua  bonitate  miseriis  nostris  succurrat.  (Dilatasti  mihi)  Quidam  putant  Davidem  sibi  promittere  quod  -nondum  erat  expertus,  et  effectum  gratiae  Dei  spe  sua  antevertere.  Atqui,  meo  iudicio,  pristina  Dei  beneficia  potius  commemorat,  quibus  se  confirmet  in  posterum.  Sic  enim  solent  fideles  revocare  in  mentem  quae  ad  fidei  confirmationem  valent.  Et  multi  posthac  occurrent  similes  loci,  ubi  David  quo  fidem  suam  erigat  contra  terrores  et  pericula,  varias  experientias  colliget,  quibus  didicerat  semper  Deum  suis  adesse,  nec  eorum  vota  unquam  frustrari.  Est  autem  metaphorica  loquutio,  qua  significat  sibi  undique  obsesso  et  clauso  patefactum  fuisse  exitum.  Angustiam,  de  qua  loquitur,  non  minus  ad  animum  quam  ad  rem  ipsam  puto  referri,  neque  enim  ferreus  fuit  David  quin  res  adversae  eum  in  miseras  anxietates  coniicerent.  3.  Filii  viri,  usquequo  gloria  mea  ad  ignominiam,  diligetis  vanitatem,  quaeretis  mendacium  ?  Selah.  4.  At  scitote  quod  selegit  Iehova  benignum  sibi,  Iehova  exaudiet  dum  clamavero  ad  eum.  3.  (Filii  viri.)  Hunc  suavissimum  Davidi  fructum  protulit  sua  precatio,  quod  collecto  animo  potuit  non  modo  repellere  hostium  suorum  furorem,  sed  ultro  eos  lacessere,  ac  intrepide  despicere  quidquid  manchinabantur.  Quare  ut  firma  nobis  constet  fiducia,  nonnisi  iisdem  armis  instructos  in  arenam  descendere  convenit,  quoties  ab  improbis  impetimur.  Summa  autem  est,  quum  Deus  suo  praesidio  Davidem  tueri  velit,  frustra  ad  eum  perdendum  eniti  cunctos  mortales,  quantumvis  magnas  alioqui  ad  nocendum  vires  afferant.  Filios  autem  non  Adam  vel  hominis,  sed  viri  appellans,  obiter  eorum  arrogantiam  perstringere  videtur.  Neque  enim  quibusdam  Hebraeis  assentior,  qui  proceres  notari  putant.  Sed  potius  ironica  est  concessio,  qua  eorem  insolentiam  subsannat:  quia  nobiles  et  cordati  sibi  esse  videbantur,  quum  tamen  caeca  duntaxat  eos  rabies  ad  nefarios  conatus  impelleret.  In  voce  usquequo  damnatur  prava  eorum  obstinatio.  Significat  enim  David  non  subito  tantum  aliquo  motu  fuisse  incitatos:  sed  penitus  eorum  cordibus  infixum  fuisse  contumax  nocendi  studium:  nisi  enim  eos  recto  sensu  privasset  sua  malitia,  multis  experimentis,  quae  eos  ab  in-