28:59  59  SERMON  CXXIX.  60  qui  est  prophane.  Est-ce  peu  de  chose  que  sacrilege?  Si  un  homme  avoit  desrobe,  il  sera  puni  comme  il  en  est  digne.  Or  il  y  a  ici  beaucoup  plus  que  larrecin.  Oar  quand  le  temple  de  Dieu  est  pollu,  cela  surmonte  toutes  les  extorsions  et  pillages  qu'on  peut  faire  aux  hommes  quant  a  leurs  biens:  et  voila  deux  temples  de  Dieu  qui  sont  pollus  par  paillardise:  voila  aussi  en  quoy  nostre  Seigneur  Iesus  Christ  est  outrage.  Car  il  nous  fait  cest  honneur,  que  nous  soyons  membres  de  son  corps,  il  nous  a  unis  a  soy:  et  cependant  nous  irons-nous  prostituer  en  telle  opprobre?  n'est-ce  pas  deschirer  le  corps  du  Fils  de  Dieu  par  pieces  entant  qu'en  nous  est?  Que  les  hommes  donc  se  plaisent  tant  qu'ils  voudront,  et  que  mesmes  on  leur  applaudisse,  et  qu'on  se  rie  de  leur  ordure:  il  est  certain  que  devant  Dieu  ils  n'en  auront  point  meilleur  marche.  Et  ainsi  apprenons  (comme  i'ay  dit)  d'avoir  les  yeux  eslevez  au  siege  celeste,  et  cheminer  en  sorte  que  nous  ayons  tousiours  tesmoignage  que  nous  avons  procede  en  integrite  avec  Dieu,  et  que  nous  n'avons  point  este  si  fols  de  nous  arrester  a  ce  que  les  hommes  commandent:  mais  que  nous  avons  tenu  la  reigle  laquelle  est  infallible:  c'est  la  Loy  que  Dieu  nous  a  donnee  a  tous,  et  a  laquelle  il  veut  que  nous  conformions  nostre  vie.  Mais  quoy?  Cela  est  tresmal  prattique  auiourd'huy.  Combien  en  voyons-nous  qui  ne  viendroyent  iamais  au  temple  pour  ouyr  un  mot  de  doctrine,  sinon  qu'il  y  eust  les  edicts  et  les  menaces  ?  Et  encores  voit-on  manifestement,  que  telles  gens  ne  le  font  que  par  acquit.  Et  bien,  ils  viendront.  Quand?  Aux  iours  commandez.  Mais  s'il  n'y  avoit  commandement  expres,  il  leur  semble  qu'ils  n'y  sont  point  tenus.  Et  il  vaudroit  mieux  qu'ils  n'y  vinssent  point  du  tout.  Car  ils  ne  font  que  polluer  le  temple  de  Dieu.  Et  ils  monstrent  que  iamais  n'ont  prins  goust  a  la  doctrine:  qu'ils  y  viennent  comme  des  chiens  et  des  porceaux.  Et  ainsi  nous  voyons  que  beaucoup  en  ce  monde  n'ont  regard  sinon  a  ce  qui  leur  est  commande  et  defendu,  de  peur  de  desbourcer  quelque  argent,  ou  d'avoir  quelque  autre  punition,  quant  a  la  police  terrienne:  mais  au  reste,  ils  monstrent  qu'ils  n'ont  nulle  religion,  qu'ils  sont  la  abrutis.  Or  de  nostre  coste  quand  nous  voyons  que  Dieu  nous  a  fait  la  grace  de  nous  declarer  sa  volonte,  afin  que  nous  la  suy  vions,  que  nous  ad  visions  d'approcher  de  plus  en  plus  de  luy,  et  de  faire  que  sa  iustice  reluise  en  nous  :  car  c'est  sa  vraye  image.  Et  en  cela  nous  monstrons  que  nous  sommes  ses  enfans,  et  avons  approbation  qu'il  nous  a  adoptez,  et  qu'il  fera  office  de  pere  envers  nous:  mais  il  y  en  a  bien  peu  qui  cognoissent  cela.  Si  est-ce  qu'il  nous  faut  estre  attentifs  a  ce  que  i'ay  dit:  c'est,  d'autant  que  Dieu  nous  appelle  a,  soy,  et  qu'il  daigne  bien  nous