27:59  59  SERMON  LXXIII.  60  nous  recourions  a  luy,  et  que  nous  en  approchions  tellement,  que  nous  ne  doutions  point  qu'il  ne  nous  soit  tousiours  pere.  LE  CINQUIESME  SERMON  SUR  LE  CHAP.  X.  V.  17.21.  DU  SAMEDI  14E  DE  SEPTEMBEE  1555.  Nous  vismes  hier  que  pour  avoir  un  droit  zele  et  affection  de  servir  a  Dieu,  il  nous  faut  estre  asseurez  que  la  religion  que  nous  tenons  est  bonne,  et  qu'il  l'approuve.  Car  cependant  que  nous  serons  en  doute,  il  est  impossible  que  nous  marchions  d'un  franc  courage,  nous  irons  comme  en  clochant,  et  par  force:  et  s'il  y  a  quelque  ardeur,  cela  viendra  d'une  stupidite,  et  non  point  que  nous  soyons  adonnez  a  bon  escient  de  servir  au  Dieu  qui  nous  sera  incogneu.  Et  ainsi  il  faut  que  nous  soyons  bien  et  deument  enseignez,  pour  estre  disposez  a  bien  faire.  Et  voila  pourquoy  notamment  Moyse  dit  ici,  que  le  Dieu  qui  s'estoit  declare  par  sa  Loy,  et  qui  auparavant  s'estoit  manifeste  aux  Patriarches,  est  le  Dieu  des  dieux,  et  qu'il  n'en  faut  point  cercher  d'autre:  mesmes  encores  que  nous  eussions  quelque  bon  mouvement,  et  que  nous  fussions  pleins  de  devotion  (comme  on  dit)  si  estce  que  tout  ce  que  nous  pourrons  attenter  ne  sera  rien  qui  vaille  sans  la  foy.  Il  faut  donc  que  nous  ayons  ceste  certitude,  que  nous  sachions  que  ce  n'est  point  en  vain  ni  a  la  volee  que  nous  faisons  rien:  mais  que  suivons  la  volonte  de  Dieu,  et  que  ce  que  nous  faisons  luy  est  aggreable.  Or  cependant  Moyse  apres  avoir  testifie  au  peuple,  que  ceste  Loy  ici  estoit  du  Dieu  vivant,  il  adiouste:  Qu'il  est  grand,  et  robuste,  et  terrible.  Car  nous  voyons  comme  les  hommes  se  donnent  conge  de  mespriser  Dieu,  et  qu'ils  s'enyvrent  tellement  en  leur  orgueil  et  fierte,  qu'on  ne  peut  tirer  aucune  subiection  d'eux.  Afin  donc  qu'on  ne  se  ioue  point  a  un  tel  maistre,  notamment  il  dit,  que  le  Dieu  qui  veut  que  sa  Loy  soit  maintenant  publiee,  est  grand,  et  robuste,  et  terrible.  Quand  il  l'appelle  grand,  c'est  pour  monstrer  l'honneur  qui  luy  appartient.  Quand  il  l'appelle  robuste,  c'est  afin  qu'on  ne  luy  resiste  point.  Quand  il  dit  qu'il  est  terrible,  c'est  afin  que  nous  cognoissions  que  s'il  nous  touche  de  sa  main,  il  faut  que  nous  soyons  abysmez.  Gardons-nous  donc  de  le  mespriser  :  mais  quand  il  nous  appelle  devant  sa  maieste,  que  nous  tremblions,  que  nous  venions  esmeus  de  frayeur  pour  estre  droitement  humiliez.  Nous  voyons  donc  maintenant  l'intention  de  Moyse.  Et  ainsi  notons  que  pour  bien  reigler  nostre  vie,  ii  faut  que  nous  ayons  la  pure  doctrine,  et  que  nostre  religion  soit