26:59  59  SERMON  XV.  60  en  proces  sa  iustice,  et  qu'il  leur  soit  loisible  d'en  dire  ce  que  leur  fantasie  portera,  s'ils  ont  condamne  une  oeuvre  de  Dieu:  il  faut  qu'il  soit  despouille  de  sa  gloire,  qu'il  soit  aneanti  du  tout.  Nous  voyons  donc  quel  sacrilege  c'est,  quand  les  hommes  se  donnent  telle  liberte  de  disputer  a  leur  fantasie  de  bien,  et  de  mal,  voire  sans  s'enquerir  de  la  bouche  de  Dieu.  Or  au  contraire,  combien  que  les  choses  nous  semblent  estranges  selon  nostre  naturel  :  si  faut-il  que  nous  cognoissions  quand  nostre  Seigneur  declare:  Ceci  est  bon,  il  me  plaist  ainsi.  Quand  nous  avons  (di-ie)  la  sentence  de  la  bouche  de  Dieu:  il  faut  que  nous  facions  silence  de  nostre  coste,  non  seulement  pour  ne  plus  repliquer  ne  gronder  a  l'encontre:  mais  aussi  pour  assuiettir  tous  nos  sens,  et  pour  glorifier  Dieu  de  nostre  bon  gre.  Seigneur,  il  est  vray  que  si  ie  vouloye  iuger  selon  mon  appetit,  i'en  pourroye  dire  a  tors  et  a  travers:  mais  il  faut  que  ie  regarde  a  toy:  et  puis  que  i'ay  cogneu  que  ta  volonte  est  telle,  il  faut  que  ie  m'y  assuiettisse,  et  que  ie  la  trouve  bonne  et  iuste,  et  que  ie  t'attribue  la  louange,  que  tu  ne  peux  faillir.  De  faict,  cest  exemple  ici  nous  doit  bien  suffire:  car  (fui  est-ce  qui  de  prime  face  ne  condamneroit  les  enfans  d'Israel,  d'avoir  ainsi  tue  les  petis  enfans?  voire-mais  qui  est  autheur  de  tout  cela?  Ont-ils  rien  attente  sans  l'ordonnance  de  Dieu?  Nenni:  Moyse  dit  le  contraire.  Ainsi  en  condamnant  les  hommes,  on  s'adresseroit  a  Dieu:  et  voila  comme  il  nous  en  advient  tous  les  coups.  Si  nous  iugeons  de  nos  prochains,  que  ce  ne  soit  point  a  nostre  cerveau,  tellement  que  nous  donnions  ceste  authorite  a  Dieu,  de  ne  point  repliquer  a  sa  parolle:  que  quand  une  chose  sera  approuvee  de  luy,  recevons-la.  Car  il  faut  que  nous  ayons  ceste  modestie,  de  nous  reigler  en  tout  et  par  tout  a  sa  bonne  volonte.  Yoila  pour  un  item.  Et  cependant,  si  quelquefois  Dieu  fait  des  actes  qui  nous  semblent  trop  rudes,  et  mesmes  que  cela  nous  attouche:  que  nous  baissions  la  teste.  Comme  quand  nous  serons  affligez  outre  mesure  ce  nous  semblera,  si  ne  faut-il  point  que  nous  murmurions  pour  nous  despiter.  Car  que  gagnerons-nous,  de  faict?  ce  sera  nostre  double  confusion:  mais  que  nous  prions  Dieu,  qu'il  nous  range  en  telle  obeissance,  que  nous  puissions  recevoir  les  afflictions  qu'il  nous  envoye  patiemment,  et  en  telle  sorte,  que  ce  que  nous  trouvons  estrange  a  nos  appetis,  a  nos  affections,  et  a  nos  pensees,  que  nous  le  trouvions  bon,  et  iuste,  et  equitable,  d'autant  que  sa  volonte  est  telle.  Voila  ou  il  nous  en  faut  venir.  En  somme,  que  nous  apprenions  de  n'estre  point  sages  a  nostre  fantasie:  et  aussi  de  ne  lascher  point  la  bride  a  nos  affections:  car  ces  deux  choses-la  sont  requises,  si  nous  voulons  donner  gloire  a  Dieu  en  tout  ce  qu'il  fait.  Or  il  y  ha  aussi  ce  que  Moyse  adiouste  des  villes,  et  de  leur  gran-