23:59  59  COMMENTARIUS  IN  GENESIN.  60  sus  pateat.  Nunc  ergo  non  dubitanter  quaerit,  ut  antea,  verene  sit  praeceptum  Dei  quod  oppugnat:  sed  palam  Deum  arguit  mendacii.  Verbum  enim  illud  quo  mors  denunciata  est,  falsum  ac  delusorium  esse  asserit.  Exitialis  tentatio,  quum  Deo  exitium  minante,  non  modo  securi  torpemus,  sed  Deum  ipsum  habemus  ludibrio.  5.  Scit  enim  Deus.  Sunt  qui  putent  astute  hic  Deum  a  Satana  laudari,  quasi  nunquam  homines  a  fructu  salutifero  prohibiturus  fuerit  :  sed  illi  manifeste  secum  pugnant:  simul  enim  fatentur,  priore  membro  iam  prorsus  abrogasse  fidem  Deo,  quasi  mentitus  foret.  Alii  putant  Deum  malignitatis  et  invidiae  argui,  eo  quod  summa  perfectione  hominem  privare  voluerit:  atque  horum  sententia  probabilior  est.  Interea  (meo  iudicio)  probare  conatur  Satan  quod  nuper  dixerat,  sumpta  a  contrario  ratione.  Hanc,  inquit,  arborem  vobis  Deus  interdixit,  ne  in  societatem  gloriae  suae  admittere  vos  cogatur:  ergo  supervacuus  est  poenae  metus.  In  summa,  noxium  esse  fructum  negat,  quia  utilis  sit  ac  salutaris.  Quum  dicit,  Deum  novisse:  zelotypia  inductum  exprobrat,  et  consulto  mandasse  de  arbore,  ut  in  gradu  inferiori  hominem  teneret.  Eritis  sicut  dii.  Quidam  vertunt,  Similes  angelis  :  Posset  etiam  numero  singulari  reddi,  Tanquam  Deus.  Mihi  non  dubium  est  quin  divinitatem  illis  promittat  Satan  :  ac  si  dixisset,  Non  alia  ratione  Deus  arbore  scientiae  vos  fraudat,  nisi  quia  veretur  habere  socios.  Caeterum  divinam  gloriam,  vel  aequalitatem  cum  Deo  in  perfecta  boni  et  mali  scientia,  non  sine  colore  constituit  :  sed  merus  fucus  est,  quo  miseram  feminam  illaqueat.  Quia  naturaliter  ingenitum  est  omnibus  sciendi  studium,  putatur  in  eo  sita  esse  felicitas:  verum  erravit  Heva,  quae  modum  sciendi  non  temperavit  Dei  arbitrio.  Et  eodem  quotidie  morbo  laboramus  omnes,  quod  pias  scire  appetimus  quam  expediat,  et  quam  Dominus  permittat:  quum  praecipuum  sapientiae  caput  sit  composita  in  Dei  obsequium  sobrietas.  6.  Et  vidit  mulier.  Impurus  hic  et  concupiscentiae  veneno  infectus  Hevae  adspectus,  cordis  impuri  nuncius  ac  testis  fuit.  Poterat  sincere  prius  arborem  adspicere,  ut  nulla  vescendi  libido  animum  eius  feriret:  fides  enim  quam  habebat  verbo  Dei,  optima  erat  cordis  et  sensuum  omnium  custos.  Nunc  postquam  a  fide  et  obedientia  verbi  cor  defecit,  secum  pariter  corrupit  omnes  sensus,  ac  per  omnes  tam  animae  quam  corporis  partes  diffusa  est  pravitas.  Hoc  ergo  impiae  defectionis  signum  est,  quod  mulier  bonam  ad  vescendum  arborem  esse  iudicat,  quod  cupide  se  oblectat  eius  intuitu,  quod  desiderabilem  esse  acquirendae  prudentiae  causa  sibi  persuadet,  quam  prius  centies  praeterisset  libero  et  tranquillo  intuitu,  nunc  enim  proterve  et  intemperanter  vagatur  animo,  excusso  fraeno,  et  corpus