22:59  59  INSTRUCTION  ET  CONFESSION  DE  FOY.  60  beatitude  sera  le  royaume  de  Dieu  remply  de  toute  clarte,  ioye,  vertu  et  felicite,  choses  qui  sont  bien  maintenant  hors  de  la  cognoissance  des  hommes  et  lesquelles  nous  ne  voyons  point,  sinon  comme  par  un  miroir  et  en  obscurite,  iusques  a  ce  que  ce  iour  la  sera  venu  auquel  le  Seigneur  nous  donnera  a  voir  sa  gloire  face  a  face.  Au  contraire,  les  reprouvez  et  meschans,  lesquelz  par  vraye  et  vive  foy  nauront  cherche  et  honore  Dieu,  dautant  quilz  nauront  point  part  en  Dieu  ne  en  son  royaume,  il  *  seront  deiectez  en  mort  immortelle  et  corruption  incorruptible  avec  les  diables:  affin  que  hors  de  toute  ioye,  vertu  et  tous  aultres  biens  du  royaume  celeste,  estans  condamnez  a  perpetuelles  tenebres  et  tourmens  eternelz,  ilz  soyent  rongez  dun  vers  qui  iamais  ne  mourra  et  bruslez  dun  feu  qui  iamais  nesteindra.  Que  cest  que  Esperance.  Si  la  Foy  (comme  nous  avons  ouy)  est  une  certaine  persuasion  de  la  verite  de  Dieu,  quelle  ne  nous  peult  mentir  ne  nous  tromper  ne  estre  vaine  ou  faulsee,71)  ceulx  qui  ont  conceu  ceste  certitude  certes  pareillement  ite  attendent  quil  adviendra  que  Dieu  accomplira  ses  promesses,  lesquelles  a  leur  opinion  ne  peuvent  estre  que  veritables.  Tellement  que  en  somme  Esperance  nest  sinon  lactente  des  choses  lesquelles  la  foy  a  creu  estre  promises  de  Dieu  veritablement.  Ainsi  la  Foy  croit  Dieu  estre  veritable:  Esperance  attend  que  en  temps  opportun  ii  demonstre  sa  verite.  La  Foy  croit  Dieu  nous  estre  Pere:  Esperance  attend  quil  se  porte  touisours  pour  tel  envers  nous.  La  Foy  croit  la  vie  eternelle  nous  estre  donnee:  Esperance  attend  que  quelque  fois72)  elle  sera  revelee.  La  Foy  est  le  fondement  sur  lequel  Esperance  sappuye  :  Esperance  nourrist  et  entretient  la  Foy.  Car  comme  personne  ne  peult  rien  attendre  et  esperer  de  Dieu  sinon  celluy  qui  premierement  aura  creu  a  ses  promesses,  ainsi  dautre  part  il  fault  que  limbecillite  de  nostre  Foy  (affin  que  comme  lasse  elle  ne  defaille  point)  soit  soustenue  et  conservee  par  esperer  et  attendre  patiemment.  De  orajson.  Lhomme  droictement  instruict  en  vraye  foy  premierement  appercoit  evidement*  combien  il  est  indigent  et  desnue  de  tous  biens  et  combien  toute  ayde  de  salut  luy  deffault.  Pourtant  sil  cherche  71)  vaine  ou  faulsee  en  latin:  irrita.  72)  aliquando.