21:59  59  TIE  DE  CALVIN  60  Docteur  en  ceste  Eglise  avec  legitime  election  et  approbation,  il  dressa  un  brief  formulaire  de  confession  et  de  discipline,  pour  donner  quelque  forme  a  ceste  Eglise  nouvellement  dressee.  Il  fit  aussi  un  Catechisme,  non  pas  celuy  que  nous  avons  auiourd'huy,  compose  par  demandes  et  responses,  mais  un  autre  contenant  seulement  par  briefs  sommaires  les  principaux  poincts  de  la  religion.  Et  d'autant  que  luy  et  ses  compagnons  Ministres  voyoyent  que  c'estoit  un  mespris  des  Sacremens,  de  recevoir  les  gens  a  la  Cene,  qu'on  ne  seust  s'ils  avoyent  renonce  aux  idolatries  et  superstitions  Papistiques,  ils  requirent  les  Magistrats  de  procurer  que  le  peuple  estant  appelle  par  dixaines  iurast  la  confession  de  foy.  Ce  qui  fut  trouve  bon,  et  estant  ordonne  par  le  Conseil,  le  peuple  y  obeit  alaigrement:  comme  luy-mesme  Pa  escrit  en  une  Preface  [b  3]  qu'il  mit  audit  Catechisme,  le  faisant  puis  apres  imprimer  en  Latin  a  Basle  l'an  1538  au  mois  de  Mars.  Ces  heureux  commencemens  despleurent  grandement  k  Satan  et  aux  siens,  qui  ne  faillirent  pas,  comme  il  n'estoit  malaise  sur  les  premiers  changemens  d'estat  et  de  religion,  de  luy  faire  fascherie.  Car  a.  grand'peine  se  passerent  quatre  mois,  que  d'un  coste  les  Anabaptistes  le  vindrent  assaillir  (desquels  estoit  un  certain  Iean  Stordeur2)  dont  il  sera  parle  ci  apres),  et  de  l'autre  un  meschant  Apostat  nomme  M.  Pierre  Caroli,  Docteur  de  Paris:  lequel  estant  secretement  soustenu  et  appuye  du  credit  d'aucuns  des  principaux,  lui  pouvoit  beaucoup  donner  de  peine.  Mais  quant  aux  Anabaptistes,  il  les  seut  si  bien  et  heureusement  manier  en  dispute  publique,  combien  que  le  Magistrat  n'y  mit  pas  la  main,  que  des  lors  la  race  en  fut  perdue  en  ceste  Eglise.  Ce  qui  est  d'autant  plus  admirable,  que  la  pluspart  des  Eglises  d'Allemagne  en  sont  encore  bien  fort  empeschees;  et  s'il  y  en  a  qui  en  soyent  delivrees,  c'a  este  plustost  par  la  simple  rigueur  de  iustice  qu'autrement.  Quant  au  combat  qu'il  eut  a  soustenir  contre  ledit  Caroli  sur  plusieurs  calomnies  ou  aussi  estoyent  meslez  M.  Guillaume  Farel  et  Pierre  Viret,  l'histoire  seroit  longue  qui  voudroit  reciter  tout  le  discours.  Ie  laisse  donc  qu'il  fut  conveincu  en  deux  Synodes,  assavoir  a  Lausanne  et  a  Berne:  et  que  s'estant  retire  en  ces  pays,  et  ayant  charge  de  Pasteur  en  une  Eglise,  ayant  aussi  espouse  femme,  il  s'en  alla  vers  le  cardinal  de  Tournon,  et  par  son  moyen  obtint  du  pape  lettres  de  pardon:  et  par  plusieurs  fois  est  ainsi  passe  de  la  Papaute  a  lEvangile  et  de  l'Evangile  a  la  Papaute.  Mais  la  fin  fut  que  ce  malheureux-la,  ayant  este  plusieurs  fois  abbatu  par  Calvin,  tant  par  escrit  que  de  bouche  ;  et  puis  estant  dechasse  de  l'Eglise  de  Dieu,  est  mort  1)  Stordeau  F.