20:59  39  EPISTOLAE  3977.3979  60  (Copies  Bibi.  de  Genere  Vol.  107,  fol.  161,  Vol.  115a,  foL  l  l  ;  Berne  F.  p-  53  ;  Bonnet  IL  522.)  Monsieur,  vostre  lettre  et  le  recit  que  ma  faict  le  porteur  de  vostre  estat,  mont  donne  ample  matiere  de  me  resioyr  et  de  glorifier  Dieu  du  changement  quil  a  faict  en  vous,  quant  par  sa  volonte  infinie,  il  vous  a  recueilly  en  son  troupeau,  duquel  vous  aviez  este  tant  eslongne  iusques  icy.  En  cela  voions  nous  comme  il  a  cree  une  fois  le  monde  de  rien,  aussy  quant  il  luy  plaist  de  nous  reduire  a  soy,  cest  comme  sil  formoit  des  creatures  nouvelles.  Mesmes  il  desploie  sa  vertu  doublement,  domptant  la  rebellion  par  laquelle  nous  resistans  a  sa  grace,  en  tant  quen  nous  est.  Comme  il  vous  a  renge  a  lobeyssance  de  sa  verite  de  laquelle  estiez  ennemy,  afin  que  vous  congnoissant  estre  sien  en  deux  sortes,  vous  soiez  tant  plus  incite  a  vous  adonner  du  tout  a  luy,  comme  vous  y  estes  oblige.  Et  voila  pourquoy  par  la  bouche  de  son  prophete  Isaie,  il  magnifie  sa  misericorde,  disant  quil  a  este  trouve  de  ceulx  qui  ne  le  cherchoient  pas,  et  quil  sest  dedere  a  ceulx  qui  ne  s'enqueroient  point  de  luy,  et  a  dict:  Me  voicy,  a  ceulx  qui  ne  l'avoient  point  congnu.  Puis  donc  qu'il  vous  a  retire  dun  si  profond  abisme  ou  vous  estiez  plonge,  il  reste,  Monsieur,  non  seulement  que  vous  luy  faciez  honneur  et  hommage  dun  tel  bien,  mais  aussy  que  vous  mectiez  paine  a  vous  acquicter  de  voz  arrerages,  vous  emploiant  dun  zele  tant  plus  ardent  a  poursuyvre  la  course  laquelle  vous  avez  commence  bien  tard.  Si  des  nostre  enfance  nous  avions  bataillie  vertueusement  et  faict  merveilles,  sainct  Paul  dict  quil  ne  nous  fauldroit  point  regarder  a  tout  le  passe  de  peur  destre  refroidis  ou  retardez  a  ladvenir.  Mais  quant  nous  avons  este  longtemps  inutilles,  et  mesmes  que  nous  avons  contrarie  a  la  saincte  volunte  de  Dieu,  la  memoire  de  noz  faultes  passees  nous  doibvent*  solliciter  a  nous  efforcer  tant  plus.  Et  ie  vois,  Monsieur,  que  Dieu  a  besongne  en  vous,  non  seulement  pour  vous  faire  recevoir  la  doctrine  de  salut,  mais  aussy  vous  donne  couraige  de  procurer  que  voz  subiectz  vous  ensuyvent  et  vous  tiennent  compaignie  a  servir  celuy  auquel  appartient  tout  empire  souverain  du  ciel  et  de  ia  terre.  En  quoy  ie  vous  ayderay  le  mieulx  quil  me  sera  possible,  comme  aussy  tous  mes  freres  et  compaignons,  et  ny  a  celuy  qui  ne  desire  semploier  a  vous  faire  service.  Nous  regarderons  donc  quel  moien  il  y  aura  dadresser  gens  suffisans  et  propres  a  enseigner,  afin  que  Iesuschrist  domine  paisiblement  ou  il  vous  a  donne  superiorite.  Seulement,  Monsieur,  prenez  couraige  a  perseverer,  comme  vous  avez  bien  commence,  et  comme  Dieu  vous  a  esleve  en  degre  dhonneur,  que  vous  soiez  en  exemple  a  tous.