16:59  59  EPISTOLAE  2404.2405  60  S.  Prioribus  tuis  literis  iam  responderam,1)  clarissime  vir  et  honorando  Domine,  quum  alterae  mihi  redditae  sunt,2)  quibus  meum  de  Gallicanae  ecclesiae,  quae  apud  vos  est,  dissidiis  consilium  postulas,  quo  certius  quid  utile  sit  factu  statuere  liceat.  Ego8)  vero  Deo  non  vulgares  ago  gratias,  cuius  mirabili  providentia  factum  est,  ut  haec  cognitio  ad  eum  arbitrum  veniret,  qui  hactenus  se  modis  omnibus  patrem  miserae  ecclesiae  exhibuit.  Tua  enim  praecipue  et  D.  Adolphi  4)  opera  hospitium  istic  adepta  est.  Atque  ut  eam  liberaliter  eratis  amplexi,  fovere  et  iuvare  nunquam  desiistis.  Et  nunc  optimi  et  fidelissimi  patroni  munus  impies,  dum  molestiam  hanc  suscipere  non  gravaris.  Satis  coniicio,  quam  multa  tandem  taedia  tibi  devoranda  fuerint,  quo  plus  laudis  meretur  animi  tui  moderatio,  qua  factum  est,  ut  obstacula  omnia  superaveris.  Superest  extremus  actus,  quem,  ut  spero,  eodem  virtutis  tenore  absolves.  Quamvis  autem  ecclesiam  talibus  discordiis  lacerari  triste  sit  ac  luctuosum,  hoc  tamen  in  malis  non  leve  solatium  est,  divinitus  remedium  oblatum  esse,  quo  sedari  queant,  si  modo  non  prorsus  maneant  insanabiles  quibus  tu  paterna  mansuetudine  consulere  paratus  eris.  Etsi  autem  satis  tibi  prudentiae  suppetere  confido,  qua  per  te  totum  negotium  transigas5  quia  tamen  pro  tua  modestia  sententiam  meam  audire  cupis,  familiariter  et  libere,  quidquid  sentio,  tibi  exponam.  Primum  suspicor,  Augustinum  5)  et  similes  (ut  saepe  ingenia  discrepant)  Valerandi  nostri  moribus  offensos  nimis  cupide  arripuisse  alienationis  causam  :  ac  fieri  potest,  -  ut  vitia  quaedam  ipsis  merito  displicuerint:  sed  zeli  inconsiderati  fervor  ultra  iustum  modum  eos  impulit.  Certe  hoc  plus  quam  iniquum  fuit,  quod,  ut  ministerio  eum  deiicerent,  praetexere  coeperunt,  nondum  fuisse  electum  pastorem.  Qui  enim  ex  funesta  dissipatione  6)  exiguum  gregem  suo  labore  collegerat,  absque  solenni  ritu  legitimus  debuit  agnosci  pastor.  Quid  enim  suffragiis  opus  fuit  quum  2404.1)  JV.  2398.  2)  quae  desideratur.  3)  Ionvillaeus  primum  scripserat:  Ego  vero  Christo  non  vulgares  ago  gratias  qui  te  ad  hanc  molestiam  subeundam  spiritu  ��uo  adduxit,  si  hactenus  patronus  fuisti  miserae  ecclesiae.  Non  liquet  utrum  Glauburgo  arbitrium  delatum  sit  an  ipse  se  sponte  mediatorem  obtulerit  istis  hominibus  qui  vel  in  exsilio  suas  tristes  controversias  compescere  non  sustinebant.  4)  Pollanus  in  suo  Aatidoto  adv.  Ioach.  Westphali  pestilens  consilium  (1557  in  Frarikf.  Bel,  Hdl.  ll.  Beil.)  dicit  p,  222  se  Beyero  autor  e  hunc  Adolphum  adiisse^  per  quem  a  senatu  voti  compos  factus  sit.  5)  Hunc  denuo  ut  adversariorum  antesignanum  notat,  non  tamen  iniitias  ire  videtur  quin  et  ipse  Pollanus  aliqua  ex  parte  iis  ansam  clamandi  praebuerit.  Nomen  ei  fuit  Le  Grand,  et  occurrit  in  Actis.  (Bel  Hdl  I.  Beil  23.  25.)  6)  Hoc  insigne  Valerandi  meritum  etiam  alibi  adversariis  considerandum  proponit  (N.  2363.  2402)  quippe  sme  cuius  prudentia  fortasse  nihil  obtinuerint.