15:59  59  EPISTOLA  1918  60  principes  fautores  et  corporis  sui  protectores  habuerunt,  ut  sine  ullo  persequutionis  et  suppliciorum  metu  possent  quidquid  vellent  libere  promulgare.  Atque  ita  effectum  est  ut  orbem  suis  voluminibus  et  doctrina  compleverint,  studiisque  divisis  multas  ecclesias  excitarint,  quae  licet  se  invicem  scriptis,  et  parum  modestis,  arguant,  lacessant  haereseosque  insimulent,  nullum  tamen  earum  membrum  exustum  est,  aut  flammarum  antiehristiano  supplicio  iudicatum.  At  vero  pauper  Servetus  advena  et  peregrinus  omni  amicorum  et  procerum  suffragio  destitutus,  non  habens  ubi  caput  reclinare  posset,  sed  ubique  insidiis  et  persequutione  vexatus,  vix  unum  libellum  de  errore  triadis  potuit  publicare,  in  quo  demus  et  ipsum  alicubi  excidisse,  nec  omni  prorsus  errore  vacasse,  quod  sane  omni  homini  peculiare  est,  bono  tamen  zelo  et  divinae  veritatis  studio  ferebatur,  in  qua  promovenda,  quamvis  id  quod  maxime  contendebat  vivens  assequi  non  potuerit,  plura  tamen  dixit  ex  scripturae  sententia,  plurima  revelavit  adnotatione  dignissima,  quae  hactenus  passim  occulta  aut  certe  neglecta  videbantur,  denique  bonam  ille  operam  ia  hoc  saltem  navasse  dicetur  et  a  posteris  laudabitur  quod  tepidos  et  dormientes  spiritus  ad  unius  veri  et  summi  Dei  nec  non  et  filii  eius  unigeniti  cognitionem  diligentius  perquirendam  excitavit.  Nempe  recentes  theologi,  qui  se  evangelicos  profitentur  et  verae  doctrinae  assertores  praedicant,  in  religionis  cauda  duntaxat  omne  studium  posuerunt,  circa  inferiora  elementa  strenue  ei  diligenter  elaborarunt,  opiniones  diu  receptas  de  primatu  romani  pontificis,  quem  verum  Antichristum  esse  testantur,  de  missa,  purgatorio,  sacramentis,  confessione,  poenitentia,  satisfactione,  ciborum  delectu,  divorum  invocatione,  imaginibus,  votis  monasticis,  caelibatu,  libero  arbitrio  et  praedestinatione,  de  quibus  necdum  inter  ipsos  convenit,  et  aliis  ecclesiae  romanae  caerimoniis  fortiter  oppugnantes,  verum  (ut  dixi)  circa  caudam  duntaxat  laborarunt,  solam  papismi  causam  subvertere  cupientes,  caeterum  caput  ipsum  penitus  negligentes,  circa  veri  Dei  et  filii  eius  unigeniti  cognitionem  nihil  omnino  studii  operae  et  diligentiae  posuerunt,  sed  cum  ipsis  papistis  simpliciter  transierunt  falsum  et  erroneum  illorum  vadum,  sequuti  sophisticas  et  imaginarias  illas  de  trinitate  chimaeras  unanimiter  appprobantes,  nec  in  tali  philosophia  papam  et  suos  pro  Antichristo  habuerunt,  sed  adhuc  spiritu  sancto  afflatos  concesserunt.  Quum  vero  de  articulis  caudae  rogarentur,  cur  omnes  receptas  et  catholicas  opiniones  tam  strenue  oppugnarent  et  convellerent,  respondebant  quidquid  a  papis  et  eorum  scholasticis  asseclis  traditum  aut  receptum  esset  nihil  habere  veritatis,  sed  omnia  falsa  corrupta  et  depravata,  nihilque  a  romana  ecclesia,  quam  Antichristi  sedem  et  Satanae  syna-