9:589  589  A  UN  HOLANDOIS.  590  Chrestiente,  ont  cognu  que  l'astriction,  [page  9]  a  laquelle  les  Iuifs  estoyent  suiets  de  garder  le  iour  du  repos,  a  este  temporelle:  mais  de  l'idolatrie  la  raison  est  bien  diverse.  Ie  confesse  bien  donc,  que  de  s'abstenir  un  iour  de  la  sepmaine  de  travailler,  et  estre  sous  un  ioug  tant  servile,  que  c'estoit  crime  mortel  d'avoir  amasse  du  bois,  ou  porte  quelque  fardeau,  que  cela  estoit  une  escorce  de  la  substance  spirituelle,  qui  est  encore  auiourd'huy  en  usage:  assavoir  de  renoncer  a  nous-mesmes,  nous  despouiller  de  nos  pensees  et  affections,  nous  deporter  de  toutes  nos  oeuvres,  afin  que  Dieu  nous  gouverne:  pour  le  second  de  nous  exercer  au  service  de  Dieu,  apprendre  par  sa  parole  ou  gist  nostre  salut,  nous  assembler  pour  faire  protestation  de  nostre  foy,  et  tout  cequi  est  separe  des  ombres  Iudaiques.  Voici  les  mots  de  ce  brouillon:  Si  on  condamne  ceux  qui  s'agenouillent  devant  les  idoles,  Iesus  Christ  a  merite  d'estre  lapide,  d'avoir  viole  le  Sabbath:  veu  qu'il  estoit  aussi  coulpable.  Ce  blaspheme  sans  autre  dispute  sera  tousiours  en  horreur  a  ceux  qui  ont  quelque  goutte  de  sens  naturel.  Mais  encore  si  ainsi  estoit,  il  eust  este  licite  a  nostre  Seigneur  Iesus  de  plier  les  genoux  devant  le  diable,  quand  il  en  fut  solicite.  Au  reste,  ce  vilain  prophane,  comme  iamais  n'a  gouste  que  c'estoit  de  religion,  ne  regarde  pas  1)  que  iamais  nostre  Seigneur  Iesus  n'a  viole  le  Sabbath,  en  guarissant  les  malades,  en  commandant  aux  boiteux  de  marcher,  et  au  paralytique  de  porter  son  lict.  Car  il  nous  faut  tousiours  revenir  a  ce  principe,  auquel  luy  mesme  a  renvoye  les  Scribes,  qui  l'accusoyent  faussement  (Matth.  12,  9)  :  c'est  que  ces  oeuvres-  la  n'estoyent  pas  [page  i  o]  humaines,  mais  divines.  Et  voila  pourquoy  il  dit,  Mon  Pere  et  moy  sommes  tousiours  en  besongne  iusqu'auiourd'huy  (Iean.  5,  17):  et  leur  remonstre,  puis  qu'ils  ne  font  point  de  scrupule  de  circoncir  un  enfant  au  iour  du  Sabbath,  qu'il  n'y  a  aussi  nulle  offense  en  ce  luy  qui  est  ministre  de  la  vertu  et  bonte  de  Dieu,  pour  la  desployer  au  salut  des  hommes.  Et  quand  il  excuse  les  disciples,  il  dit  que  la  necessite  les  dispense,  a  l'exemple  de  David  (Matth.  12,  3).  Et  de  faict,  le  temps  n'estoit  pas  encore  venu  de  rompre  simplement  le  Sabbath,  iusqu'a  ce  que  le  voile  du  temple  fust  rompu.  Ceste  ignorance  est  par  trop  vilaine  en  celuy  qui  se  mesle  d'estre  nouveau  docteur,  ayant  une  resverie  a  part,  de  laquelle  iamais  on  n'a  ouy  parler.  De  la  ce  malheureux  s'esgare  encore  plus  fort,  disant:  Puis  que  Iesus  Christ  a  parfaitement  accompli  la  Loy,  quand  il  sembloit  qu'il  l'aneantist  selon  l'observation  exterieure,  que  c'est  iniquement  fait  d'attacher  a  des  liens  charnels  et  terrestres  les  1)  1611:  comme  ce  v.  p.  n'a  iamais  gouste  aussi  ne  regarde  il  pas.