5:589  ACTES  DE  RATISBONNE.  II  est  question  de  la  gloire  de  Dieu  et  de  l'Evangile,  de  la  necessite  comme  de  l'Eglise,  du  salut  des  ames,  tant  entre  nous  comme  par  tout  :  puis  qu'en  chose  de  si  grande  consequence  nous  avons  les  consciences  estrainctes:  entant  que  nous  sommes  certains  d'avoir  droit  iugement.  Nous  vous  prions  humblement,  sire,  de  recevoir  nostre  excuse,  et  espargner  tant  d'Eglises  rachetees  du  sang  de  Christ,  sanctifiees  du  sainct  Esprit  et  instruictes  en  saincte  et  honneste  discipline,  et  ne  vouloir  escouter  noz  adversaires  qui  diiiament  noz  Eglises  par  diverses  calumnies.  Et  affin  que  personne  ne  doubte  quel  genre  de  doctrine  on  enseigne  par  tout  en  noz  Eglises,  de  rechef  nous  protestons  que  nous  voulons  tenir  la  confession,  laquelle  nous  vous  presentasmes  a  Austbourg  avec  l'apologie  adioincte  a  icelle.  Car  nous  ne  doubtons  pas  que  ce  ne  soit  vrayement  le  consentement  de  l'Eglise  catholique,  lequel  nous  a  este  monstre  par  les  Prophetes  et  Apostres  et  a  fermes  tesmoignages  de  l'Eglise  apostolique  et  des  peres  anciens.  En  ceste  foy  et  congnoissance  de  Iesus  Christ  nous  invoquerons  et  magnifierons  tousiours  Dieu  avec  [fol.  93]  son  Eglise  catholique.  Et  toutesfoys  et  quantes  que  mestier  sera  de  declarer  nostre  doctrine  et  en  rendre  compte,  nous  serons  tousiours  prestz,  comme  nous  avons  souvent  dict.  Or  apres  avoir  considere  les  articles  accordez,  ayant  appelle  noz  prescheurs,  qui  sont  icy  present,  et  apres  en  avoir  confere  avec  eux,  nous  leur  avons  donne  charge  de  noter  quelques  poinctz  cfue  nous  estimons  devoir  estre  facilement  receuz  de  tous  bons  personnages  et  prudens.  Car  ilz  ne  sont  pas  pour  esmouvoir  nouvelles  questions:  mais  ce  sont  explicquations,  lesquelles  profiteront  a  toutes  les  Eglises,  et  sont  necessaires,  pour  donner  a  entendre  nostre  sentence.  Les  choses  notees  ou  omises  aux  articles  qu'on  a  accorde.  Nous  scavons,  qu'il  ne  se  peult  rien  dire  tant  considerement  ne  clairement,  qu'on  ne  le  puisse  destourner  par  quelque  cavilation,  et  ainsi  renverser.  Pour  ceste  cause,  nous  usons  d'equite  et  humanite  en  iugeant:  et  prenons  plusieurs  choses  a  la  bonne  part,  lesquelles  sont  briefvement  ou  obscurement  dictes,  mais  quand  l'ambiguite  est  perilleuse,  et  principalement  en  la  doctrine  ecclesiastique:  ce  n'est  pas  seulement  chose  honneste  entre  les  hommes,  mais  requise  de  Dieu,  d'adiouster  explications  claires  et  plaines.  En  l'article  du  franc  arbitre  il  y  a  une  cote  mise  en  marge,  touchant  l'obeyssance  imparfaicte:  Cela  est  mis  a  cause  de  la  persuasion  vulgaire,  qu'on  estime  que  l'homme  regenere  puisse  en  ceste  vie